|
2016-06-02 12:18:41, 615 ნახვა
სამხედრო
სერჟანტთა ათეულის მეთაურის ძირითადი სასწავლო კურსი დაიწყო
გიორგი ანწუხელიძის სახელობის სერჟანტთა მომზადების ცენტრში სერჟანტთა ათეულის მეთაურის ძირითადი სასწავლო კურსი დაიწყო. თავდაცვის სამინისტროს ინფორმაციით, 97 მსმენელი გადამზადებას 13 კვირის განმავლობაში გაივლის. ძირითადი ათეულის მეთაურის სასწავლო კურსს სამხედრო მოსამსახურეები სამ ფაზად გაივლიან. სწავლების პირველი ნაწილი სამხედროების ფიზიკურ-ფსიქოლოგიური მდგომარეობის გამოვლენას ითვალისწინებს. კურსის მეორე ნაწილი მეცადინეობის მეთოდურად სწორად ჩატარებას დაეთმობა, რაც საცეცხლე, სამწყობრო და ფიზიკურ გადამზადებას გულისხმობს. სწავლების დასკვნით ფაზაში კურსანტები სამეთაურო მომზადებას და პირადი შემადგენლობის მართვას ისწავლიან. „გიორგი ანწუხელიძის სახელობის სერჟანტთა მომზადების ცენტრის ძირითადი სასწავლო კურსის დამთავრების შემდეგ კურსდამთავრებულ მსმენელს შეეძლება მეცადინეობის მეთოდურად სწორად ჩატარება, ათეულის მართვა, დასახული ამოცანის პირად შემადგენლობამდე გასაგებად და ზუსტად მიყვანა, ამ ამოცანის ზუსტად და ეფექტურად შესრულება, ასევე შეეძლება მშვიდობიანობის და ომიანობის დროს წარმოქმნილი სიტუაციების გაანალიზებით სწორი და ეფექტური გადაწყვეტილების მიღება. ძირითადი სასწავლო კურსის მიზანია შეიარაღებულ ძალებს მოუმზადოს ღირსეული კადრები მსუბუქი ქვეითი ათეულის მეთაურების სახით, რომლებიც შეძლებენ პირადი შემადგენლობის ქვედანაყოფის ამოცანაზე ორიენტირებულ მართვას“, - განაცხადა ძირითადი სასწავლო კურსის უფროსმა, მაიორმა აზო ჯღამაძემ. მსმენელთა მომზადება დაბა კოჯორში, სერჟანტთა მომზადების ბაზაზე მიმდინარეობს. კურსის დასრულების შემდეგ სწავლების მონაწილეებს შესაბამისი სერტიფიკატები გადაეცემათ.
ყაველაშვილი 9 აპრილის ტრაგედიაზე განცხადებას ავრცელებს, რომელშიც რუსეთს არ ახსენებს
პარლამენტთან აქციაზე პროტესტის მონაწილე შაკო ბაღდოშვილი დააკავეს
რუსებო, მონებო - ოცნების მთავრობა 9 აპრილის მემორიალთან შეძახილების ფონზე მივიდა
უკრაინულმა დრონებმა კრასნოდარის მხარეში ექსპორტისთვის განკუთვნილ ნავთობის მსხვილ სატუმბო სადგურს შეუტიეს
|
რედაქტორის რჩევით
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)