შინაგან საქმეთა სამინისტროს განსაკუთრებულ დავალებათა დეპარტამენტის (გდდ-ის, „სპეცრაზმის“) ყოფილმა უფროსმა, მშვიდობიანი აქციების ჩახშობის საფუძვლით აშშ-ისა და ბრიტანეთის მიერ სანქცირებულმა ზვიად („ხარება“) ხარაზიშვილმა შიდა ქართლში ტაძრის მშენებლობა დააფინანსა. მისი თქმით, ტაძარი 7 წელი შენდებოდა.

ეს ცნობილი მას შემდეგ გახდა, რაც ამავე ტაძარში კვირას, 7 დეკემბერს, მიტროპოლიტმა იობმა (აქიაშვილმა) ამბიონიდან ქადაგებისას მადლობა გადაუხადა ხარაზიშვილს „ტაძრის აშენებისთვის“.

საუბარია სოფელ საღოლაშენის წმ. ეკატერინეს ტაძარზე. მიტროპოლიტმა იობმა „ხარებასთან“ ერთად დაასახელა ბიზნესმენი სლავა შერაზადიშვილი, როგორც „ქტიტორი“, ანუ საეკლესიო ნაგებობის მაშენებელი.

„მადლობა ქტიტორებს, ბატონ ზვიად ხარაზიშვილს და ბატონ სლავა შერაზადიშვილს, რომლებმაც ეს დიდებული ტაძარი ასე გაამშვენეს, ააშენეს… ღმერთმა შეუწიროს ბატონ ზვიადს, ბატონ სლავას მისი საქმე“, - თქვა მღვდელმთავარმა

წირვას ზვიად ხარაზიშვილთან ერთად შინაგან საქმეთა ყოფილი მინისტრი, აშშ-ისა და ბრიტანეთის მიერ სანქცირებული ვახტანგ გომელაურიც ესწრებოდა.

ავტორი: ექსპრესნიუსი,

სოციალური ქსელები

ირანი საქართველოს სანქციებისგან თავის დასაღწევად იყენებს -Fox news გამოძიება

ისლამაბადში ირანთან მოლაპარაკებები ოფიციალურად დაიწყო

არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება

იერუსალიმში, მაცხოვრის საფლავზე წმინდა ცეცხლი გადმოვიდა