უკრაინის პრეზიდენტის, ვოლოდიმირ ზელენსკის განცხადებით, მომლაპარაკებლებს, რომლებიც აშშ-ის მიერ შეთავაზებულ სამშვიდობო წინადადებას განიხილავენ, დონბასის რეგიონში ტერიტორიის საკითხთან დაკავშირებით შეთანხმებისთვის არ მიუღწევიათ.

ზელენსკიმ Bloomberg-თან ინტერვიუში განაცხადა, რომ აშშ-ის წინადადების ელემენტები საჭიროებს შემდგომ განხილვას რიგ მგრძნობიარე საკითხებზე, მათ შორის უსაფრთხოების გარანტიებსა და ასევე, დონეცკისა და ლუგანსკის რეგიონებთან დაკავშირებით.

„არსებობს აშშ-ის, რუსეთისა და უკრაინის ხედვები - და ჩვენ არ გვაქვს ერთიანი შეხედულება დონბასთან დაკავშირებით“, - განუცხადა ზელენსკიმ Bloomberg News-ს.

მისი თქმით, კიევი დასავლელი მოკავშირეებისგან, უპირველეს ყოვლისა, აშშ-სგან, უსაფრთხოების გარანტიებზე ცალკე შეთანხმების მიღწევას ცდილობს.

„არსებობს ერთი კითხვა, რომელზეც მე და ყველა უკრაინელს გვინდა პასუხის მიღება: თუ რუსეთი კვლავ დაიწყებს ომს, რას გააკეთებენ ჩვენი პარტნიორები?“ - განაცხადა ზელენსკიმ.

ავტორი: ექსპრესნიუსი,

სოციალური ქსელები

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა

CNN: ჩინეთი ირანისთვის საჰაერო თავდაცვის სისტემების მიწოდებას უახლოეს კვირებში გეგმავს

ევროკავშირის საგარეო საქმეთა მინისტრები საქართველოში არსებულ ვითარებას 21 აპრილს განიხილავენ