თბილისის მერი, კახა კალაძე, აცხადებს, რომ ელენე ხოშტარიას დაკავებაზე შინაგან საქმეთა სამინისტროსთვის არ მიუმართავთ.

„რა მიმართვა, რის მიმართვაზე მელაპარაკებით“, - მიმართა მან „პირველების“ ჟურნალისტს.

მისი თქმით, არსებობს კონკრეტული კადრები, სადაც კანონდარღვევა ჩანს და რეაგირება სწორედ ამას მოჰყვა.

„ჩვენ არავისთვის მიგვიმართავს. არის კონკრეტული კადრები, არის კანონდარღვევა და ამას რეაგირება მოჰყვება ყველას შემთხვევაში. როცა კანონს არღვევ, თან მიზანმიმართულად, იცი, რომ საერთოდ არავის ახსოვხარ, არავის აინტერესებ, როგორც პოლიტიკოსი. შესაბამისად, ცდილობენ ასეთი სისულელეებით, პერფორმანსებით შეახსენონ თავი საზოგადოებას. კანონი განსჯის ყველაფერს და კანონის მიხედვით ხდება შესაბამისი რეაგირება“, - განაცხადა კალაძემ.

მისივე თქმით, არანაირი არსებითი მნიშვნელობა არ აქვს, ვინ სად მიმართა; მთავარია, რომ არსებობს კანონდარღვევის ფაქტი, რომელსაც შესაბამისი რეაგირება მოჰყვება.

ავტორი: ექსპრესნიუსი,

სოციალური ქსელები

ზურაბიშვილი - მოსამართლე თეა ლეონიძემ განაჩენი პირველ რიგში გამოიტანა თავის თავს გამოუტანა, მერე კი რეჟიმს

ხაბეიშვილი - ამ ქვეყანას ეშევლება, მთავარია, ისე არ მოგვივიდეს, რომ სანამ აზრზე მოვლენ, აზრზე მოსვლას აზრი აღარ ჰქონდეს

სააპელაციომ 11 დემონსტრანტი პატიმრობაში დატოვა და არ შეუცვალა 2-წლიანი სასჯელი

თიბისის მხარდაჭერით თბილისის წიგნის ბაზრობა გაიმართება