ეროვნული ბანკის პრეზიდენტის, ნათია თურნავას განცხადებით, საქართველოს საბანკო სისტემა განუხრელად იცავს საერთაშორისო სანქციებს.

ამის შესახებ მან პარლამენტში გამოსვლისას განაცხადა, სადაც ეროვნული ბანკის ანგარიშს წარადგენს.

„ჩვენი საბანკო სისტემა განუხრელად იცავს საერთაშორისო სანქციებს. ეს არის მნიშვნელოვანი, გამომდინარე იქიდან, რომ ჩვენი საფინანსო, საბანკო სისტემა არის მჭიდროდ ინტეგრირებული როგორც რეგიონის, ასევე გლობალურ საფინანსო სისტემაში. აქ ჩვენი წამყვანი ბანკები, მათ შორის, „საქართველოს ბანკიც“ არის. ივაჭრება მათი აქციები ლონდონის საფონდო ბირჟაზე. უცხოელი ინვესტორები, საერთაშორისო ინვესტორები წარმოდგენილები არიან უპირატესად ამ სექტორში. ასევე, საფინანსო ინსტიტუტებიც არიან ერთ-ერთი მიმწოდებლები უცხოური ვალუტის, ხოლო უცხოური ვალუტის სესხები და დეპოზიტები ჯერ კიდევ დიდი დოზითაა წარმოდგენილი ჩვენს საბანკო სისტემაში. აქედან გამომდინარე, მნიშვნელოვანია, რომ ამ კუთხით ნდობა იყოს და ბანკები განუხრელად იცავდნენ სანქციებს. ჩვენ კი ამის ზედამხედველობა განვახორციელოთ. მეორე, ასევე უმნიშვნელოვანესი, ფაქტორი არის ადგილობრივი, ჩვენი ქართული კანონმდებლობის დაცვა. მოცემულობა ისეთია, რომ საქართველომ არ შემოიღო ორმხრივი სანქციები, რეგიონის ქვეყნების მიმართ, ჩვენი მნიშვნელოვანი სავაჭრო პარტნიორების მიმართ. ამის განმარტებაც და ახსნაც მარტივია.

ჩვენი ბანკები, მათ შორის, ეროვნული ბანკის მიერ გამოცემული რეგულაციის თანახმად, ვალდებულები არიან მოახერხონ და დაიცვან ორივე მოცემულობა. ანუ საერთაშორისო სანქციების დაცვის პირობებში, ასევე ადგილობრივი კანონმდებლობა უნდა იყოს დაცული. ეს არის ჩარჩო, რომელ ჩარჩოშიც რაოდენ გამოწვევებთანაც არ უნდა იყოს დაკავშირებული, ჩვენი საბანკო სისტემა ახერხებს, რომ არ დაარღვიოს სანქციები“,-განაცხადა თურნავამ.

ავტორი: ექსპრესნიუსი,

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო