როგორც ჩანს, „მცირემიწიან ფერმერთა სახელმწიფო მხარდაჭერის პროგრამა" არასაკმარისი საბიუჯეტო რესურსების გამო მიმდინარე წელს აღარ გაგრძელდება! - ამის შესახებ პარტია „გახარია საქართველოსთვის“ ერთ-ერთი წარმომადგენელი, ბექა ლილუაშვილი სოციალურ ქსელში წერს.

მისივე თქმით, ფერმერებისთვის სახელმწიფოს ბიუჯეტიდან დახმარება მნიშვნელოვანი ფაქტორი იყო.

„როგორც ჩანს „მცირემიწიან ფერმერთა სახელმწიფო მხარდაჭერის პროგრამა" არასაკმარისი საბიუჯეტო რესურსების გამო მიმდინარე წელს აღარ გაგრძელდება!

40-50 მილიონი ლარით - ათი ათასობით ფერმერის მიერ საგაზაფხულო სამუშაოების ხელშეწყობა და მათი მხარდაჭერა ხდებოდა ე.წ. ქულათა სისტემით, რაც განსაკუთრებით მნიშვნელოვანი იყო სამეგრელოში, გურიაში, იმერეთსა და კახეთის რეგიონში მცხოვრები გლეხებისთვის. ეს მხარდაჭერა, როგორც ჩანს, გაჩერებულია!

„ბიუჯეტში ფული არაა” - ეს ფორმულირება ბოლო რამდენიმე თვეში სხვადასხვა დროს და ადგილას ბევრჯერ გაჟღერდა (საკრებულოებში, საბიუჯეტო ცვლილებების მომზადებისას და ა.შ. ), მაგრამ „ოცნების” ხელისუფლება, თუ რეგიონში მცხოვრებ ადამიანებს, თანაც საარჩევნო წელს, მხარდაჭერის პროგრამას შეუწყვეტდა ვერ წარმომედგინა - ალბათ, ვერც იმ ფერმერებს წარმოედგინათ, არჩევნებზე მაინც „ოცნებას” რომ მისცეს ხმა...

„მდუღარე” ეკონომიკის პირობებში - გადასახადების შესრულების გეგმას სერიოზული პრობლემები აქვს, ქვეყანაში შემოსული ინვესტიციები - დრამატულად შემცირებულია, „ოცნება” საარჩევნო წელს გლეხებს მხარდაჭერას უჩერებს, მრჩევლები - უხელფასოზე გადაჰყავს, სახელმწიფო კომპანიებიდან ხალხს მასიურად ათავისუფლებს... აბა ლოგიკა?!

სამწუხაროდ დიდი რისკების და დიდი პრობლემების კასკადი გროვდება ეკონომიკაში და ამაზე პასუხისმგებლობა სრულად „ოცნებაზეა“, - წერს ლილუაშვილი სოციალურ ქსელში.

ავტორი: ექსპრესნიუსი,

სოციალური ქსელები

პაპი აცხადებს, რომ ტრამპთან კამათი „არ არის დაინტერესებული“

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.