პარტია ახალის ერთ-ერთი ლიდერი, ნიკა გვარამია ივანიშვილის რეჟიმის მხრიდან სოცქსელებში გინებისთვის მოქალაქეების დასჯის კანონის ინიციატივას გამოეხმაურა და აღნიშნა, რომ კანონით არა გინება, არამედ ხელისუფლების წარმომადგენლის გინება აიკრძალა, შესაბამისად, "სპეციალური სუბიექტიც გამოჩნდა". 

ამის შესახებ გვარამიამ ფორმულას ეთერში გიორგი თარგამაძის გადაცემაში ილაპარაკა.

"საქართველოს ხელისუფლება, თან ნახეთ, როგორ გვეუბნება - "გინება არ შეიძლებაო" კი არ ამბობს, ხელისუფლების წარმომადგენლის გინება არ შეიძლებაო, ანუ სპეციალური სუბიექტიც გამოჩნდა, ანუ ქოცის გინება აიკრძალა. ამას ასე ჰქვია. სიტყვა ქოციც შეიძლება აკრძალონ, მართალი გითხრა. 

ეფექტურად გამოდის ეს, რომ ქოცს არ შეიძლება აგინოს არავინ, ამ კანონს მოკლე შინაარსი აქვს ასეთი. ცენზურაზე უარესია ამ თვალსაზრისით, ამას ვამბობ. სპეციალური დაცული სუბიექტი ჰყავს, ბელადივით უნდა დაიცვან ვიღაც, ხომ ხვდებით.

ეს უფრო საგანგაშო ამბავია სინამდვილეში. ცენზურა ამ ქვეყანაში არის, რახანია ქოცების ცენზურა გამოიხატება იმაში, რომ ტელევიზიები იხურება მიწყობით. [...] ტელევიზიაში შევარდნებით არ იხურება მარტო. მეტსაც ვიტყვი, თანამედროვე დიქტატურებში ტელევიზიები სულ სხვა მეთოდით იხურება. სულ სხვა მეთოდით იხურება ძალიან ბრუტალურ დიქტატურებშიც კი, იქაც ტელევიზიებს გუდავენ ფინანსურად, სასამართლო სარჩელებით, ჟურნალისტებზე გარეთ თავდასხმებით და ასეთი ტიპის რეგულირებით". - თქვა გვარამიამ. 

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო