ფრაქცია ქართული ოცნების თავმჯდომარის პირველი მოადგილის, ირაკლი კირცხალიას თქმით, ოცნება შსს-ს მიმართავს "ფრაქციის წევრების წინააღმდეგ გარედან მართული და დაფინანსებული სიძულვილის კამპანიის საპასუხოდ". 

"ჩვენი გუნდის პოზიცია იყო და არის პრინციპული - სიძულვილის ენა, იქნება ეს ორკესტრირებული შეურაცხყოფა, სიძულვილის კამპანია, თუ პოლიტიკური ძალადობის წახალისება, ვერ იქნება ქართულ პოლიტიკის ნაწილი. უცხოეთიდან დაფინანსებული ექსტრემისტები არ ერიდებიან უშვერი სიტყვებით ლანძღვას, მუქარას, ბულინგს, ოჯახის წევრებისა და ახლობლების შეურაცხყოფას.

2025 წლის თებერვლიდან ამოქმედდა კანონი, რომლის მიხედვითაც საქართველოს სახელმწიფო პოლიტიკური თანამდებობის პირის, პოლიტიკური თანამდებობის პირის, სახელმწიფო მოსამსახურის, სახელმწიფო მოსამსახურესთან გათანაბრებული პირის, ანდა საჯარო მოსამსახურის სიტყვიერი შეურაცხყოფა, ლანძღვა გინება ან მის მიმართ სხვაგვარი შეურაცხმყოფელი სამსახურებრივი მოვალეობის შესრულების დროს ან სამსახურებრივი მოვალეობის შესრულების საქმიანობასთან დაკავშირებით ჩაითვლება ადმინისტრაციულ სამსართალდარღვევად. 

შესაბამისად, ფრაქცია ქართული ოცნების გადაწყვეტილებით, ჩვენი ფრაქციის წევრების წინააღმდეგ გარედან მართული და დაფინანსებული სიძულვილის კამპანიის საპასუხოდ ვიწყებთ სამართლებრივ დავას და საჩივრით მივმართავთ შსს-ს, რათა მომავალში ვერავინ შეძლოს საჯარო სივრცეში დესტრუქციული და უკიდურესად შეურაცხმყოფელი სახელმწიფო ინსტიტუტების დისკრედიტაციისკენ მიმართული ზიზღის ენის პროპაგანდირება და ტერორის გავრცელება" - თქვა კირცხალიამ ბრიფინგზე. 

ავტორი: ექსპრესნიუსი,

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი