ისრაელი ღაზას სექტორში სამხედრო ოპერაციების გაფართოებას გეგმავს, - მედიის ინფორმაციით, ამის შესახებ ქვეყნის თავდაცვის მინისტრმა, ისრაელ კაცმა განაცხადა.

მან მშვიდობიან მოსახლეობას მოუწოდა, დატოვონ ის ადგილები, სადაც ისრაელის თავდაცვის ძალები ოპერაციებს განახორციელებენ.

„ისრაელის თავდაცვის ძალების ინტენსიური ქმედებები მალე ღაზას ტერიტორიის უმეტესი ნაწილის სხვა ადგილებშიც გავრცელდება და თქვენ საბრძოლო ზონებიდან ევაკუაცია მოგიწევთ“, - მიმართა კაცმა ღაზის მოსახლეობას.

მინისტრმა ასევე მოუწოდა პალესტინელებს, თავიდან მოიშორონ „ჰამასი“ და გაათავისუფლონ ყველა მძევალი.

„ეს ომის დასრულების ერთადერთი გზაა“, - დასძინა კაცმა.

შეგახსენებთ, ისრაელმა 18 მარტს ღაზას სექტორზე საჰაერო დარტყმები განაახლა. 19 მარტს განახლდა სახმელეთო ოპერაციაც. ისრაელის მთავრობა განმარტავს, რომ მისი მიზანია „ჰამასზე“ ზეწოლის გაზრდა ტყვედ აყვანილი მძევლების გათავისუფლების მიზნით.

ავტორი: ექსპრესნიუსი,

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო