2025-02-02 18:06:05, 513 ნახვა
საზოგადოება
აქციის მონაწილეები თბილისის გასასვლელისკენ გადაადგილდებიან
საპროტესტო აქციის მონაწილეებმა „თბილისი მოლიდან“ თბილისის გასასვლელამდე გადაინაცვლეს, ისინი მცხეთის მიმართულებით მიდიან. პერიოდულად ჩერდებიან და ისმის შეძახილები: „ცეცხლი ოლიგარქიას“, „თავისუფლება პოლიტიკურ პატიმრებს“. მომიტინგეებთან ერთად გადაადგილდებიან სპეცრაზმის წარმომადგენლებიც თბილისის გასასვლელისკენ.
თუმცა, ზაჰესის მიმდებარედ პოლიციამ და სპეცრაზმმა აქციის მონაწილეებს გზა გადაუკეტეს და მცხეთის მიმართულებით გადაადგილების საშუალებას არ აძლევენ. „ექსპრესნიუსის“ ინფორმაციით, სამართალდამცავებმა ერთი პირი დააკავეს.
ავტორი: ექსპრესნიუსი,
epn.ge (@expressnews.ge)
