შსს-ს მომსახურების სააგენტოს სამსახურებრივი მოვალეობის შესრულების დროს დაღუპული პოლიციელების შვილები ესტუმრნენ. 6-დან 10 წლამდე ასაკის ბავშვებს მომსახურების სააგენტოს წარმომადგენლებმა და შსს-ს სპორტული კლუბის „MIA FOrce“ წევრებმა უმასპინძლეს.

შსს-ს ინფორმაციით, სტუმრებმა შსს-ს მომსახურების სააგენტოს შენობა დაათვალიერეს და არსებული სერვისების შესახებ ინფორმაცია მიიღეს. სააგენტოს ავტოდრომზე ბავშვები შსს-ს სპორტული კლუბის წევრების მიერ სპეციალურად მათთვის მოწყობილ სანახაობას დაესწრნენ, სპორტული ავტომანქანებით გაისეირნეს და სამახსოვრო ფოტოებიც გადაიღეს.

„MIA FORCE“-ის წევრმა, ავტომრბოლელმა დათა ქაჯაიამ დაღუპული პოლიციელების შვილებს საგზაო მოძრაობის უსაფრთხოების შესახებ შემეცნებითი პრეზენტაცია ჩაუტარა და საკუთარ სპორტულ კარიერაზე ესაუბრა. დათა ქაჯაია პირველი ქართველი სპორტსმენია, რომელმაც 2015 წელს მსოფლიო ჩემპიონატზე ძარიანი ავტომობილებით რბოლაში ევროპის ჩემპიონის ტიტული მოიპოვა. დაღუპული პოლიციელების ხსოვნის პატივსაცემად, დათა ქაჯაიამ ჩემპიონატზე ჯილდოდ მიღებული თანხის ნაწილი დღეს მათ მცირეწლოვან შვილებს გადასცა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი