ბრიუსელში ნატო-საქართველოს კომისიის სხდომის დაწყებამდე, საქართველოს თავდაცვის მინისტრი მინდია ჯანელიძე თავის ბრიტანელ კოლეგას მაიკლ ფელონს შეხვდა.

თავდაცვის სამინისტროს ინფორმაციით, მინდია ჯანელიძემ და მაიკლ ფელონმა რეგიონში არსებული უსაფრთხოების გარემო, თავდაცვის სფეროში საქართველოს და დიდი ბრიტანეთის თანამშრომლობის მიმართულებები და სამომავლო პერსპექტივები განიხილეს.

მხარეებმა ასევე განიხილეს უელსის სამიტზე საქართველოსთვის მინიჭებული არსებითი პაკეტის იმპლემენტაციის დეტალები და ამ პროცესში ოფიციალური ლონდონის აქტიური ჩართვის საკითხი.

მინდია ჯანელიძემ ბრიტანელ კოლეგას მადლობა გადაუხადა საქართველოს ევროპულ და ევროატლანტიკურ სტრუქტურებში მისწრაფების და ტერიტორიული მთლიანობის მხარდაჭერისთვის.

თავის მხრივ, დიდი ბრიტანეთის თავდაცვის მდივანმა განაცხადა, რომ დიდი ბრიტანეთი ნატო-საქართველოს არსებითი პაკეტის იმპლემენტაციის პროცესში ერთერთ წამყვან როლს შეასრულებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი