საქართველოში, ქვეყანაში, რომელიც გერმანიამ უსაფრთხო სახელმწიფოების სიაში შეიყვანა და ლტოლვილად ჩაბარების შანსი ფაქტობრივად გაუუქმა, ლგბტ პირებს, რომლებსაც აივ ინფექცია აქვთ, არ მკურნალობენ, შედეგად ისინი იხოცებიან - ამ შინაარსით გამოვიდა გავლენიანი გერმანული გამოცემის სკანდალური სტატია. 

გამოცემა "ტაზ"-ის ჟურნალისტს ბოლო ფაქტი მოჰყავს, მისი მტკიცებით, გასულ კვირას 24 წლის, ტრანსგენდერი ლიკა ბათუმის კლინიკაში ტუბერკულოზით მოკვდა, მას მკურნალობაზე უარი უთხრეს.

გამოცემის განმარტებით, ჰომოფობიურ საქართველოში ეს ნორმალურ მოვლენად ითვლება რადგან უმრალვლესობა ამ ადამიანების მიმართ სასტიკია. 

გამოცემა მკაცრად აკრიტიკებს გერმანიის ხელისუფლებას, რომელმაც საქართველო უსაფრთხო ქვეყნების სამეულში შეიყვანა.

"ექსპრესნიუსისგან"

აღსანიშნავია, რომ აივ/შიდსის მკურნალობისა და მოვლის სფეროში საქართველო წარმატებული ქვეყანაა. ხელისუფლებამ ჯერ კიდევ 1995 წლიდან დაიწყო შიდსის მკურნალობის სახელმწიფო პროგრამების განხორციელება. საქართველოში პირველი შემთხვევა 1989 წელს გამოვლინდა.  საქართველო შიდსის გავრცელების ერთ-ერთი დაბალი პრევალენტობის ქვეყნად ითვლება, მაგრამ ისეთი მცირერიცხოვანი ქვეყნისთვის, როგორიც ჩვენ ვართ, ეს რიცხვი მაინც ბევრია და მოდუნების საშუალებას არ გვაძლევს. 2004 წლიდან  საქართველომ პირველმა და ჯერჯერობით ერთადერთმა აღმოსავლეთ ევროპაში, უზრუნველყო აივ მკურნალობაზე ხელმისაწვდომობა. შედეგად, მკვეთრად გაიზარდა  გადარჩენის მაჩვენებელი.

2017 წლის 1 დეკემბრისთვის ინფექციური პათოლოგიის, შიდსისა და კლინიკური იმუნოლოგიის ს/პ. ცენტრის მონაცემებით, საქართველოში რეგისტრირებულია აივ/შიდსის 6711 შემთხვევა, მათგან 5013 მამაკაციდა 1698 ქალია. პაციენტთა უმრავლესობა 29-დან 39 წლამდე. შიდსის პირველი შემთხვევა ჩვენს ქვეყანაში 1989 წელს დაფიქსირდა და 2017 წლისათვის აივ/შიდსით ინფიცირებულთა სავარაუდო რიცხვი 12000-ს აღწევს. ბოლო მონაცემებით, შიდსი განუვითარდა 3648 ავადმყოფს და 1339 გარდაიცვალა. 2017 წლის 11 თვის მონაცემებით, გამოვლინდა აივ/შიდსის 577 ახალი შემთხვევა; არვ (ანტირეტროვირუსულ) მკურნალობას იტარებს 4018 პაციენტი, მათგან 48 – ბავშვია.

აივ/შიდსის ახლად გამოვლენილ შემთხვევებში, ინფექციის გადაცემის გზების განაწილების ყოველწლიური დინამიკა მიუთითებს ნარკოტიკების ინექციური მომხმარებლების ხვედრითი წილის შემცირებაზე, სქესობრივი გზით ინფიცირების შემთხვევები კი მომატებულია, განსაკუთრებით მსმ  ხარჯზე. 

ავტორი: ,

სოციალური ქსელები

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.

ოკუპირებულ დონეცკში კობა ხაბაზს დაუსწრებლად 13 წლით თავისუფლების აღკვეთა მიუსაჯეს