თავისუფლების მოედანზე, მთავრობის გადადგომის მოთხოვნით, „ერთიანი ნაციონალური მოძრაობის“ საპროტესტო აქცია დაიწყო.

როგორც „ექსპრესნიუსს“ საპარლამენტო უმცირესობის წევრმა კობა სუბელიანმა განუცხადა, მთავრობა არის უნიათო, რომელმაც ყველაფერი გააკეთა ეკონომიკური სტაგნაციისთვის. ამიტომ, სუბელიანის თქმით, უნიათო მთავრობა უნდა გადადგეს.

ამასთან, როგორც „ნაციონალური მოძრაობის“ კიდევ ერთმა წევრმა ნიკა მელიამ „ექსპრესნიუსს“ განუცხადა, „ხელისუფლებას წითელი აენთო, მათ წინააღმდეგ წამზომი ჩართულია.

აქციაზე ათასობით ადამიანია შეკრებილი. ვარდების მოედნიდან და ე.წ. კოლმეურნეობის მოედნიდან რეგიონებიდან ჩამოსული აქციის მონაწილეები თავისფულების მოედანზე აქციას მსვლელობით შეუერთდნენ. მათ ნატო-ს, ევროკავშირის, უკრაინის და საქართველოს დროშები, ასევე ტრასპარანტები აქვთ გამოტანილი წარწერით - „გადადგეს უნიათო მთავრობა“.

ამ დროისთვის, თავისუფლების მოედანზე „ნაციონალური მოძრაობის“ წევრები და ლიდერები სიტყვით გამოდიან.

ადგილზე სამართალდამცველები არიან მობილიზებული. აქციის გამო, თავისუფლების მოედნის მიმდებარე ქუჩები და რუსთაველი გამზირი გადაკეტილია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არა მხოლოდ აღდგომისთვის: უკრაინამ რუსეთს შესთავაზა ცეცხლის შეწყვეტის შეთანხმების გახანგრძლივება

იერუსალიმში, მაცხოვრის საფლავზე წმინდა ცეცხლი გადმოვიდა

ბუშის ინსტიტუტის დირექტორი: ივანიშვილის წინააღმდეგ სანქციების მოხსნა ნაკლებად სავარაუდოა

2025 წელს საქართველოში გაზის გაჟონვისა და აფეთქებების შედეგად 18 ადამიანი დაიღუპა