„რუსეთის დიდი ხნის გეგმაა საქართველოს ტერიტორიების ანექსია“,-ამის შესახებ  ოკუპირებული სამხრეთ ოსეთის ავტონომიური ოლქის დროებითი ადმინისტრაციის ხელმძღვანელმა დიმიტრი სანაკოევმა რუსეთის ფედერაციასა და ცხინვალის რეგიონს შორის ე.წ. სამოკავშირეო ხელშეკრულების გაფორმებასთან დაკავშირებით განაცხადა.
სანაკოევის თქმით, საქართველოს ტერიტორიების ოკუპირება პუტინის ხელისუფლებაში მოსვლის შემდეგ დაიწყო. 
„პროვოკაციები დღეს არ დაწყებულა. რუსეთის დიდი ხნის გეგმაა საქართველოს ტერიტორიების ანექსია,  როგორც აფხაზეთში ასევე სამხრეთ ოსეთში.  ეს ყველაფერი მაშინ დაიწყო, როდესაც  პუტინი ხელისუფლებაში მოვიდა.  შესაბამისად, რა ნაბიჯებსაც რუსეთი დგამს  სამხრეთ ოსეთის მიმართ  ჩვენი ტერიტორიების პირდაპირი ანექსიაა.  ფაქტობრივად რუსეთი ეუბნება საერთასორისო საზოგადოებას, რომ მისთვის სხვა ნორმები არსებობს“,-განაცხადა სანაკოევმა.
შეგახსენებთ, დღეს რუსეთი ოკუპირებულ სამხრეთ ოსეთთან ე.წ. სამოკავშირეო ხელშეკრულებას გააფორმებს, რომელსაც ხელს რუსეთის პირველი პირი ვლადიმერ პუტინი და ოკუპირებული სამხრეთ ოსეთის დე ფაქტო  პრეზიდენტი ლეონიდ თიბილოვი მოაწერს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა

აზერბაიჯანულმა მხარემ ოცნების რეჟიმს სადიგოვის ექსტრადიციის მოთხოვნის „განუხილავად დატოვება“ შესთავაზა.