ჯანდაცვის მსოფლიო ორგანიზაციის მონაცემებით, ჰაერის დაბინძურების გამო ყოველწლიურად მსოფლიოში შვიდი მილიონი ადამიანი იღუპება. ორგანიზაციის მიერ გამოქვეყნებულ ანგარიშში ნათქვამია, რომ მსოფლიოს ქალაქებში მცხოვრები ადამიანების 80%-ზე მეტი დაბინძურებულ ჰაერს სუნთქავს.

დაბინძურებული ჰაერის შედეგად პრობლემებს მსოფლიო ქვეყნების უმეტესი ნაწილის მოსახლეობა განიცდის, თუმცა განსაკუთრებით მწვავედ ეს პრობლემა ღარიბ ქვეყნებში დგას. 

ცნობისთვის, ყველაზე დაბინძურებული 30 ქალაქს შორის ინდოეთის 16 ქალაქი მოხვდა.
ჯანდაცვის მსოფლიო ორგანიზაციის მონაცემებით, საშუალო და დაბალი შემოსავლის მქონე ქვეყნების მსხვილი ქალაქების (რომელთა მოსახლეობის რაოდნეობა 100 ათასს აღემატება) 98%-ზე მეტი ჰაერის ხარისხის შესახებ ორგანიზაციის სტანდარტებს არ შეესაბამება. მაღალი შემოსავლის მქონე ქვეყნებში ასეთი ქალაქების წილი 56 %-ია.

ჯანდაცვის მსოფლიო ორგანზიაციის მონაცემებით, 2008-დან 2013 წლამდე მსოფლიოში, ჰაერში მავნე ნივთიერებების კონცენტრაცია 8% გაიზარდა.

მსოფლიოში ყველაზე მეტად ნიგერიის ქალაქი ონიტშაა დაბინძურებული, სადაც ჰაერში მიკროელემენტების კონცენტრაციის დონემ ერთ კუბურ მეტრში 600 მიკროგრამი შეადგინა. 

ცნობისთვის, მსოფლიოს ყველაზე დაბინძურებულ ქალაქებს შორის არიან დელი, კაირო და დაკა. უკეთესი მდგომარეობა ევროპისა და აშშ-ის ქალაქებშია. ორგანიზაციის მიერ გამოქვეყნებულ რუკაზე  ევროპული და ამერიკული ქალაქების უმეტესობა “მწვანე ზონაში” მდებარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის პარტნიორმა კომპანია აგროტექნომ ქართულ ბაზარზე ახალი ბრენდი - Weitai შემოიყვანა

ცოფის შემთხვევის დაფიქსირების გამო, წალკაში კარანტინი გამოცხადდა

ბაზისბანკის მხარდაჭერით ფულის გლობალური კვირეულისადმი მიძღვნილი ნახატების კონკურსი "ჩემი რეგიონი - ჩემი ბანკნოტი" დასრულდა

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება