საქართველოს პირველი ლედი მაკა ჩიჩუა კონფერენციას „დაუნის სინდრომის მქონე ადამიანთა გამოწვევები დღევანდელ საქართველოში" დაესწრო და დისკუსიაში მიიღო მონაწილეობა. კონფერენციაზე ბავშვებისათვის ინკლუზიური გარემოს შექმნის მნიშვნელობაზე ისაუბრეს.
„ დღევანდელ კონფერენციაზე, ძალიან მნიშვნელოვანი საკითხები დაისვა, როგორიც არის განათლებისა და ჯანდაცვის სისტემები. როგორ  უნდა მოვუაროთ განსაკურთრებული საჭიროების მქონე ბავშვებს, როგორ დავუჭიროთ მხარი მათ ინტეგრირებას გარემოსთან. 
წლევანდელი სლოგანია "ჩემი მეგობრები- ჩემი გარემოა" , აქედან გამომდინარე, უნდა ვეცადოთ, რომ მეგობრული, კეთილი და ბოლომდე ადაპტირებული გარემო შევუქმნათ მათ.                                     
ასევე ძალიან დიდი როლი უნდა ითამაშოს სახელმწიფომ, რომელსაც გააჩნია რესურსი და შესაძლებლობები, იმისთვის, რომ ამ სფეროში წამოწყებული ინიციატივები ბოლომდე მივიყვანოთ. მინდა აღვნიშნო, რომ გასულ წლებთან შედარებით ძალიან მნიშვნელოვანი ნაბიჯებია გადადგმული ამ მიმართულებით,"- აღნიშნა მაკა ჩიჩუამ.
მონაწილეებმა ყურადღება გაამახვილეს ჯანმრთელობის დაცვის და განათლების საკითხებზე,
ოჯახსა და საზოგადოებაში დამოუკიდებლად ცხოვრების მნიშვნელობაზე.
დაუნის სინდრომის მქონე ადამიანთა უფლებრივი მდგომარეობა სახალხო დამცველმა უჩა ნანუაშვილმაც შეაფასა. 
კონფერენციაში მონაწილეობა მიიღეს საქართველოს ჯანმრთელობისა და სოციალური დაცვის, საქართველოს განათლების სამინისტროს, ასევე, სხვადასხვა არასამთავრობო ორგანიზაციების წარმომადგენლებმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პლასტმასის ბოთლებში სასმლის წარმოების იმპორტისა და ბაზარზე განთავსების რეგულაციის ამოქმედება 4 წლით გადავადდა

ირანმა გადაწყვიტა, რომ აშშ-სთან ორკვირიანი ცეცხლის შეწყვეტის ფარგლებში ჰორმუზის სრუტეში გადასასვლელად გადასახადი დააწესოს

ტრამპმა ირანთან ომში ორკვირიანი ცეცხლის შეწყვეტა გამოაცხადა. თეირანმა შეერთებულ შტატებზე „დიდი გამარჯვება“ გამოაცხადა.

დიდი ბრიტანეთი ტრამპს აუკრძალავს მისი ბაზების გამოყენებას ირანის ხიდებსა და ელექტროსადგურებზე თავდასხმებისთვის