2015-06-04 17:09:11, 3381 ნახვა
კულტურა
ბიძინა ივანიშვილი: ფიროსმანის ნახატი ხელოვნების მუზეუმს საჩუქრად გადაეცემა
ყოფილმა პრემიერ–მინისტრმა ბიძინა ივანიშვილმა დაადასტურა, რომ ფიროსმანის ნახატი „არსენალის მთა ღამით“ ხელოვნების მუზეუმს გადაეცემა.
„ფიროსმანი ჩვენი საყვარელი მხატვარია და რა თქმა უნდა, როგორც თქვენ, ისე მე, თვალს ვადევნებ. ნახატი ხელოვნების მუზეუმს საჩუქრად გადაეცემა“, – აღნიშნა ივანიშვილმა.
ცნობისთვის, “არსენალის მთა ღამით” 1957 წელს ცნობილ ფრანგ პოეტს ლუი არაგონს 60 წლის იუბილესთან დაკავშირებით აჩუქეს. ამის შემდეგ ის ორჯერ გაიყიდა, ბოლო მფლობელმა ნახატი ლონდონის აუქციონზე 2010 წელს იყიდა, ახლა კი ფიროსმანის “არსენალის მთა ღამით” საქართველოს უბრუნდება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
