თინათინ ხიდაშელი საქართველოში აკრედიტებული დიპლომატიური კორპუსის წარმომადგენლებთან შეხვედრებს განაგრძობს.

თავდაცვის მინისტრმა დღეს საქართველოში თურქეთის რესპუბლიკის ელჩს, ლევენთ გურმუქჩუს უმასპინძლა.

გაცნობითი ხასიათის შეხვედრაზე მხარეებმა საქართველოსა და თურქეთს შორის სამხედრო თანამშრომლობის საკითხები განიხილეს და თავდაცვის სფეროში თანამშრომლობის გაღრმავების სურვილი გამოთქვეს.

თინათინ ხიდაშელმა თურქულ მხარეს საქართველოს ევროატლანტიკურ სტრუქტურებში ინტეგრაციის გზაზე ურყევი მხარდაჭერისა და თავდაცვის სფეროში გაწეული დახმარებისთვის მადლობა გადაუხადა. მინისტრმა ასევე გამოთქვა იმედი, რომ თურქეთი კვლავ გააგრძელებს აქტიურ მხარდაჭერას საქართველოს შეიარაღებული ძალების განვითარების პროცესში.

შეხვედრაზე საუბარი შეეხო სამხედრო განათლების კუთხით თანამშრომლობის გაფართოებას, აღინიშნა თურქული მხარის წვლილი ქართველი სამხედრო მოსამსახურეების განათლებაში.

შეხვედრას ესწრებოდა თურქეთის რესპუბლიკის სამხედრო ატაშე, პოლკოვნიკი ჯევდეთ იაშარი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება