2015-05-14 10:46:09, 335 ნახვა
პოლიტიკა
გიორგი მარგველაშვილი: პატრიარქში არის მთის ემოცია, სიყვარული და სიმტკიცე
„პატრიარქში არის მთის ემოცია, სიყვარული და სიმტკიცე“,-ამის შესახებ საქართველოს პრეზიდენტმა გიორგი მარგველაშვილმა ეკა ხოფერიას თოქ-შოუში განაცხადა.
„ჩემი ისტორია პატრიარქთან დაკავშირებით საინტერესოდა იწყება, საერთოდ პატრიარქი სიტყვა, ის რომ ეკლესიაში არსებობდა იერარქიები გავიგე საქართველოს პატრიარქ ილია მეორისთან მიმართებაში. ძალიან პატარა ვიყავი, როდესაც დედამ მომიყვა, რომ საქართველოს ჰყავს ასეთი ახალი პატრიარქი და 5 თუ 6- ის ვიყავი და ამ მომენტრში პირველად გავიგე, რომ არსებობს პატრიარქი, რომ ეკლესიაში ჩემთვის ბუნებრივია ასოცირებული იყო იმასთან, რაც სახლში ხდებოდა დიდედაჩემი როგორ ლოცულობდა. თვითონ ასე ეკლესიას არ ვიცნობი, უცებ გავიგე, რომ არსებობს ეკლესიაში იერარქია, ეკლესიას ჰყავს თავი და ასეთი განსაკუთრებული ადამიანი მოვიდა ახლა ეკლესიის სათავეში. მაშინ გავიგე ილია მეორის შესახებ“,-განაცხადა გიორგი მარგველაშვილმა.
მარგველაშვილის თქმით, პირველი შეხვედრა პატრიარქთან ახალგაზრდობაში შედგა.
„პირველი შეხვედრა შედგა მაშინ, როდესაც ახალგაზრდები, რომლებიც კომკავშირს ვებრძოდით, ლოგიკურად მოვხვდით პატრიარქთან. პატრიარქთან შეხება იყო უაღრესად საინტერესო და ამაღელვებელი. ალბათ თითოეული ჩვენთაგანის ბიოგრაფიაზე იმოქმედა ამ შეხვედრამ. უცნაური იყო, მაშინ გვესაუბრებოდა პატრიარქი იმაზე, რომ ჩვენი პოლიტიკური აქტიურობა უნდა იყოს მიმართული უმწეოთა დახმარებისკენ, სიყვარულისკენ, კეთილი საქმის კეთებისკენ. უკვე ოპოზიციაში რომ ვიყავი, 2011 თუ 2012 წელს, ერთგვარად განმეორდა ეს რიტორიკა. პატრიარქმა მითხრა, ძალიან მომწონს შენი გამოსვლები, მაგრამ ძალიან გთხოვ, შეურაცხყოფა არ მიაყენო ოპონენტს და უხეშად არ მოექცე ოპონენტს ეთერში. სხვათა შორის ჩემზე ამან იმოქმედა და თუ მანამდე რაღაც ზედმეტად ცინიკური ვიყავი ან ზედმეტად აგრესიული, იმოქმედა მისმა ამ მოწოდებამ, არ დავკარგო განცდა, რომ ჩემს წინაშე ზის ადამიანი და არ ვატკინო მეორეს“,-აღნიშნა გიორგი მარგველაშვილმა და დასძინა, რომ უწმინდესი მისთვის ასოცირდება სამშობლოსთან, ქართველობასთან და სიყავრულთან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
