NDI-ის კვლევის თანახმად, გამოკითხულთა 48% პარლამენტის წევრისგან მოელის, რომ ის მხოლოდ თავის ინტერესებს დაიცავს

2015-05-11 13:32:10, 327 ნახვა

პოლიტიკა

ეროვნულ-დემოკრატიული ინსტიტუტის, NDI-ის 2015 წლის აპრილის თვეში ჩატარებული კვლევის თანახმად, გამოკითხულთა 48% პარლამენტის წევრისგან მოელის, რომ ის მხოლოდ თავის ინტერესებს დაიცავს.გამოკითხულთა 25% არ მოელის, რომ პარლამენტის წევრი მხოლოდ საკუთარ ინტერესებს დაიცავს, 26%-მა არ იცის, 1%-მა კი პასუხზე უარი განაცხადა.
ამასთან, გამოკითხულთა 61% მოელის, რომ პარლამენტის წევრი იმას გააკეთებს, რასაც პარტია ეტყვის, 10% არ მოელის, რომ პარლამენტის წევრი იმას გააკეთებს, რასაც პარტია ეტყვის, 29%-მა არ იცის, გამოკითხულთა 1%-მა კი, პასუხზე უარი განაცხადა.
გამოკითხულთა 33% მოელის, რომ პარლამენტის წევრი აქტიური იქნება, 32% არ მოელის, რომ ის აქტიური იქნება, 34%-მა არ იცის.
გამოკითხულთა 27% კი მოელის, რომ პარლამენტის წევრი მის ინტერესებს დაიცავს, 44% არ მოელის, რომ პარლამენტის წევრი მის ინტერესებს დაიცავს, გამოკითხულთა 28%-მა არ იცის.
ეროვნულ-დემოკრატიული ინსტიტუტის (NDI) კვლევის საველე სამუშაოები ჩატარდა 27 მარტი - 19 აპრილის პერიოდში, საქართველოს მასშტაბით 4360 პირისპირ ინტერვიუს წარმომადგელობითი შერჩევის საფუძველზე. NDI-ის კვლევებს შვედეთის საერთაშორისო განვითარების და თანამშრომლობის სააგენტო (Sida) აფინანსებს და CRRC–საქართველო ატარებს.