ბელარუსის პრეზიდენტი ალექსანდრ ლუკაშენკო ბათუმში შეხვედრებს მართავს.

როგორც „ექსპრესნიუსს“ აჭარის მთავრობის პრესსამსახურიდან აცნობეს, ბელარუსის პრეზიდენტს ბათუმის აეროპორტში აჭარის მთავრობის თავმჯდომარე არჩილ ხაბაძე და მინისტრები, ასევე  საქართველოს საგარეო საქმეთა მინისტრის მოადგილე დავით ჯალაღანია და ბელარუსის რესპუბლიკაში  საქართველოს ელჩი დავით კოტარია დახვდნენ.

აეროპორტში დახვედრის შემდეგ ოფიციალური შეხვედრა აჭარის მთავრობის ადმინისტრაციულ შენობაში გაიმართა.

არჩილ ხაბაძემ ბელარუსის პრეზიდენტს რეგიონის ტურისტული და საინვესტიციო პოტენციალი გააცნო. მან ხაზი გაუსვა იმ ფაქტს, რომ   ბელარუსი აჭარიდან ციტრუსის რეალიზაციისთვის  ერთერთი მნიშვნელოვან ბაზარს წარმოადგენს.  ამასთან, როგორც ხაბაძემ აღნიშნა მუშაობა საინვესტიციო მიმართულებითაც აქტიურად მიდის. მისივე თქმით, მიმდინარე წლის მაისის თვეში, ბელარუსში, ფინანსთა სამინისტროს მიერ საინვესტიციო ტური  ჩატარდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის პარლამენტმა „შრომითი მიგრაციის შესახებ" კანონში ცვლილება მიიღო

უცხო ქვეყნის მოქალაქეთათვის საქართველოს ვიზის მიღება გართულდა, პარლამენტმა კანონი მიიღო

ბოჭორიშვილი უარყოფს, რომ მიღებული კანონების გამო პროექტები გაუქმდა ან შეჩერდა

სანქცირებული, პროსახელისუფლებო „იმედის“ იურიდიული სამსახურის უფროსი, კომუნიკაციების კომისიის წევრი გახდა