უკრაინამ რუსეთის წინააღმდეგ სანქციები გაამკაცრა – Yandex-ი და Odnoklassnik-ი დაბლოკილია

2017-05-16 14:46:11, 3200 ნახვა

მსოფლიო Lifestyle

უკრაინის პრეზიდენტის პეტრო პოროშენკოს გადაწყვეტილებით, უკრაინა რუსეთის წინააღმდეგ სანქციებს ამკაცრებს, - ამის შესახებ Reuters იუწყება.

მედია საშუალების ინფორმაციით, ქვეყანაში რუსეთის უდიდესი ინტერნეტ–ჯგუფისთვის Yandex, სხვა პოპულარული ბიზნეს–საიტებისთვის, ასევე, სოციალური ქსელებისთვის Vkontakte და Odnoklassniki სანქციები გამკაცრდა.

ამასთან, შესაბამისი განკარგულება, იმ უკრაინული ვებ–სერვისების გაუქმებასაც გულისხმობს, რომლებიც რუსულ საიტებთან არის კავშირში.

უკრაინის მთავრობის გადაწყვეტილებით, ქვეყნის მასშტაბით ასევე შეიზღუდება რუსული ტელეკომპანიების მაუწყებლობა, მათ შორისაა “ТНТ” და „НТВ Plus“.

გამკაცრებული ნორმები, რუსეთის მიერ ყირიმის ანექსიის გამო, ათობით ფიზიკური პირის მიმართაც დაწესდა. დღესდღეობით უკრაინულ მხარეს „შავ სიაში“ 1228 ადამიანი და 468 კომპანია ჰყავს შეყვანილი

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან