პრემიერ-მინისტრი გიორგი კვირიკაშვილი მსოფლიო ბანკის ანგარიშს გამოეხმაურა.

 მსოფლიო ბანკის ანგარიშით „Doing Business 2017” საქართველოს რეიტინგი მნიშვნელოვნად გაუმჯობესდა - ნაცვლად შარშანდელი 23-ე ადგილისა, საქართველომ მე-16 ადგილზე გადაინაცვლა და შარშანდელი მონაცემები 7 პოზიციით გააუმჯობესა.

 პრემიერმა ეკონომიკისა და ფინანსთა მინისტრებს განსაკუთრებული მადლობა გადაუხადა.

 „მისასალმებელია, რომ საქართველომ მნიშვნელოვანი ნახტომი გააკეთა და დღეს, ჩვენ ვართ 190 ქვეყანაში, ათ ტოპ რეფორმატორთა სიაში. ეს დიდი შედეგია. მინდა ყველა თქვენგანს მადლობა გადავუხადო. განსაკუთრებული მადლობა კი მინდა ვუთხრა, ეკონომიკის და ფინანსთა მინისტრებს. ამ ორმა სამინისტრომ ამ მიმართულებით განსაკუთრებული ძალისხმევა გაწია”,-განაცხადა გიორგი კვირიკაშვილმა და დასძინა, რომ ეს შედეგი თითოეული ჩვენი ინვესტორისთვის ძალიან მნიშვნელოვანია.

 „ჩვენ მაქსიმალურად უნდა მოვახდინოთ ამ ინფორმაციის მიწოდება ყველა შესაძლო ინვესტორისთვის. ჩვენი მმართველობის პირობებში, არამხოლოდ ბიზნესის დაწყება არის იოლი, არამედ ჩვენ გვაქვს უმაღლეს პრინციპად გამოცხადებული ქონების საკუთრების ხელშეუხებლობა და საკუთრების დაცვა, და ძირითადი პუნქტები, რომლებშიც მიღწეულია პროგრესი, ეს გახლავთ ქონების რეგისტრაციის მიხედვით კრედიტის მიღება, მინორიტარული ინვესტირების უფლებების დაცვა, ბიზნესის დაწყება და მშენებლობის ნებართვა. ეს ის პუნქტებია, რომლებშიც მნიშვნელოვნად წინ წავიწიეთ, მაგრამ ასევე მნიშვნელოვანია ის, რომ მსოფლიო ეკონომიკური ფორუმის რეიტინგის მიხედვით, რომელიც გამოხატავს ქვეყნის ეკონომიკის კონკურენტუნარიანობას, ჩვენ ძალიან მნიშვნელოვანი პროგრესი ვაჩვენეთ ქონების, განსაკუთრებით საკუთრების უფლების დაცვის მიმართულებით და ასევე არაერთი სხვა მიმართულებით",- განაცხადა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა