ვინ შეიძლება ჩაანაცვლოს დავით დოიაშვილი დღეს „ქოცხროვიდან“? ვერავინ, გამორიცხულია, იმიტომ, რომ დღეს ვინც „ქართულ ოცნებას“ ანუ რუსულ რეჟიმს უჭერს მხარს, ის ვერ იქნება ხელოვანი, ის შეიძლება იყოს ხელოსანი, - ამის შესახებ რეჟისორმა გიორგი თავართქილაძემ განაცხადა.

მისი შეფასებით, ვასო აბაშიძის სახელობის მუსიკისა და დრამის თეატრის ხელმძღვანელის თანამდებობიდან დავით დოიაშვილის გათავისუფლების შემდეგ, ვინც მის თანამდებობას დაიკავებს, ხელოვანი ვერ იქნება.

„ვინ შეიძლება ჩაანაცვლოს დავით დოიაშვილი დღეს „ქოცხროვიდან“? ვერავინ, გამორიცხულია იმიტომ, რომ დღეს ვინც „ქართულ ოცნებას“, ანუ რუსულ რეჟიმს უჭერს მხარს, ის ვერ იქნება ხელოვანი, ის შეიძლება იყოს ხელოსანი. ხელოვნების ერთ-ერთი მთავარი შემადგენელი არის თავისუფალი აზრი. თუ თავისუფალი აზრი არ არის, ხელოვნება აღარ არის და იმ ადამიანს ხელოვანი აღარ ჰქვია. ასე რომ, ხელოსნები ბევრი ჰყავთ და სავარაუდოდ, მორიგ ხელოსანს ვიხილავთ. ვიხილავთ კიდევ ბევრ ხელოსანს სხვადასხვა დაწესებულებებში, მაგრამ ჩვენ ამისთვის მზად ვართ, რადგან კონსოლიდირებულია უკვე ივანიშვილის დიქტატურა. ეს სიმახინჯე არის უკვე ცხადი“, - განაცხადა გიორგი თავართქილაძემ.

ცნობისთვის, კულტურის სამინისტრომ დავით დოიაშვილი „ვასო აბაშიძის სახელობის მუსიკისა და დრამის თეატრის“ ხელმძღვანელის თანამდებობიდან გაათავისუფლა. კულტურის სამინისტრო გადაწყვეტილების მიზეზებს განმარტავს და აცხადებს, რომ სამინისტროს მხრიდან „არაერთგზის გაფრთხილების“ მიუხედავად, „ვასო აბაშიძის სახელობის მუსიკალური კომედიისა და დრამის პროფესიული სახელმწიფო თეატრის“ ხელმძღვანელობა სადამფუძნებლო მიზნებით გათვალისწინებულ „ვალდებულებას არ ასრულებდა“, ხოლო "სახელმწიფო ბიუჯეტიდან მიღებული უწყვეტი დაფინანსების პირობებში, თეატრში შემოქმედებითი პროცესი თვეების მანძილზე შეჩერებული იყო“.

ავტორი: ექსპრესნიუსი,

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა