საწყისი საბრძოლო მომზადების ცენტრმა განახლებული კურსი დაიწყო. წელს აღნიშნულ კურსში პანკისის ხეობის მცხოვრები საქართველოს მოქალაქეებიც ჩაერთვებიან.
როგორც "ექსპრესნიუსს" თავდაცვის სამინისტროდან აცნობეს, დღეიდან 10 კვირის განმავლობაში სპეციალურად შერჩეული საქართველოს 500 მოქალაქე საწვრთნელ ბაზა "ალგეთში" საცეცხლე, სამედიცინო, სამწყობრო და ტაქტიკურ მომზადებას გაივლის. კურსის მონაწილეებს მეცადინეობები ნავიგაცია-ტოპოგრაფიაში, სადისციპლინო წესდებებსა და ფიზიკურ მომზადებაში ჩაუტარდებათ.
მათივე ინფორმაციით, საწყისი საბრძოლო მომზადება, ამჯერად, გაუმჯობესებული პროგრამით განხორციელდება. სასწავლო პროგრამა მორგებულია ქვედანაყოფების მოთხოვნილებებს და მისი შედგენისას გათვალისწინებულია ნატოს სტანდარტები.
კურსზე ჩარიცხვამდე საქართველოს 500-მა მოქალაქემ ფიზიკური მომზადებისა და ფსიქოლოგიური ტესტების გარდა სამედიცინო კომისიის შემოწმებაც გაიარა. შერჩევის პროცესი კვლავ გრძელდება. რეკრუტთა მორიგი ნაკადი რამდენიმე კვირის შემდეგ მომზადდება.
სწავლების განმავლობაში რეკრუტები ყაზარმული რეჟიმით იცხოვრებენ. ოჯახის წევრებს და ახლობლებს მათი მონახულება მომზადების დაწყებიდან 4 კვირის გასვლის შემდეგ შეეძლებათ.
საწყისი საბრძოლო მომზადების 10-კვირიანი პროგრამის გავლის შემდეგ სამხედრო მოსამსახურეები ქვედანაყოფებში გადანაწილდებიან და საკონტრაქტო სამხედრო სამსახურს გააგრძელებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთში ხმის მიცემა შეწყდა, ამომრჩეველთა აქტივობა 77.80% იყო, რაც აბსოლუტური რეკორდია ქვეყნის ისტორიაში

სააღდგომო ზავი“ - როგორ არღვევენ და იყენებენ მას რუსები - Deep State

ტრამპმა განაცხადა, რომ აშშ ჰორმუზის სრუტეს გადაკეტავს

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.