საქართველოს ეროვნული ბანკის ინფორმაციით, 2015 წლის აპრილში ქვეყანაში შემოსული ფულადი გზავნილების ნაკადების მოცულობამ 91.1 მილიონი აშშ დოლარი, ანუ 205.7 მილიონი ლარი შეადგინა, რაც 2014 წლის აპრილის ანალოგიურ მაჩვენებელზე 29.4 მლნ აშშ დოლარით (66.4 მლნ ლარით), ანუ 24.4 %-ით ნაკლებია.

„უცხოეთიდან საქართველოში ფულადი გზავნილების 92.2 პროცენტი იმ 12 უმსხვილეს დონორ ქვეყანაზე მოდის, საიდანაც ასეთი გზავნილების მოცულობამ აპრილში 1 მლნ აშშ დოლარს გადააჭარბა. იმავე 12 ქვეყანაზე გასული წლის აპრილში მთელი ფულადი გზავნილების 93.4 პროცენტი მოდიოდა“, - ნათქვამია ეროვნული ბანკის ინფორმაციაში.

რაც შეეხება საქართველოდან საზღვარგარეთ გაგზავნილ თანხებს, ეროვნული ბანკის ცნობით, 2015 წლის აპრილში საქართველოდან საზღვარგარეთ 14.5 მლნ აშშ დოლარი (32.8 მლნ ლარი) გადაიგზავნა, ნაცვლად 13.2 მლნ აშშ დოლარისა (23.2 მლნ ლარისა) გასული წლის აპრილში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი