კორონავირუსთან დაკავშირებით ქვეყანაში უმძიმესი ვითარება გვაქვს, ვფიქრობ, უნდა გამკაცრდეს რეგულაციები, – ამის შესახებ „სტრატეგია აღმაშენებლის" ლიდერმა, გიორგი ვაშაძემ პარტიის ოფისში გამართულ ბრიფინგზე განაცხადა.

გიორგი ვაშაძე მიიჩნევს, რომ ქვეყანაში უნდა დაიწყოს დისკუსია ოქტომბერში დაგეგმილ თვითმმართველობის არჩევნების გადადებასთან დაკავშირებით.

„კორონავირუსთან დაკავშირებით ქვეყანაში უმძიმესი ვითარება გვაქვს. სამწუხაროდ, ყოველდღიურად მეტი ადამიანი ეწირება ამ ვირუსს, ვიზიარებ ამ ადამიანების ოჯახების მწუხარებას. ვფიქრობ, ჩვენი საერთო, ეროვნული ამოცანა დღეს უნდა იყოს კოვიდთან ბრძოლა და ადამიანთა სიცოცხლეების გადარჩენა. აქედან გამომდინარე, ვფიქრობ და გავიმეორებ, რომ უნდა გამკაცრდეს რეგულაციები. მეორე – ნამდვილად ვფიქრობ, რომ უნდა დაიწყოს დისკუსია არჩევნების გადადებასთან დაკავშირებით.

პირველ რიგში, ხელისუფლების ხელშია არჩევნების გადადების საკითხი, მაგრამ ახლა არ არის იმის დრო, ვინ ვისკენ გაიშვერს ხელს და ვინ იტყვის პირველი, ვინ იტყვის მეორე ან ვინ იტყვის, ვის არ უნდა და ვის უნდა არჩევნები, ფაქტია, იმდენად მძიმე ვითარებაა ქვეყანაში, რომ პოლიტიკაც, არჩევნებიც და ყველაფერი გვაქვს ადამიანებისთვის. თუ ჩვენ ადამიანების სიცოცხლე არ გადავარჩინეთ და კომპლექსური ნაბიჯები არ გადავდგით ამ პირობებში, ვერანაირად ვერ წავალთ წინ", – განაცხადა გიორგი ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი