დიმიტრი მედვედევი: უმძიმესი დანაშაული, რომელსაც რუსეთმა მკაცრი და ადეკვატური პასუხი გასცა

2015-08-08 14:52:21, 1239 ნახვა

მსოფლიო

„უმძიმესი დანაშაული, რომელსაც რუსეთმა მკაცრი, მაგრამ ადეკვატური პასუხი გასცა“,-ასე გამოეხმაურა რუსეთის ფედერაციის პრემიერ-მინისტრი დიმიტრი მედვედევი ფეისბუქის ოფიციალურ გვერდზე 2008 წლის რუსეთ-საქართველოს ომს.
მედვედევმა 2008 წლის მოვლენები გაიხსენა და საქართველო კიდევ ერთხელ დაადანაშაულა სამხრეთ ოსეთის წინააღმდეგ სამხედრო აგრესიის განხორციელებაში.
"7 წელი გვაშორებს სამხრეთ ოსეთის წინააღმდეგ საქართველოს აგრესიიდან. 2008 წლის 7 აგვისტოს ღამეს საქართველოს რეგულარულმა არმიამ, მძიმე არტილერიის, ტანკების, ავიაციის გამოყენებით, საშინელი თავდასხმა განახორციელა ცხინვალის საცხოვრებელ სახლებზე, საავადმყოფოებზე, სკოლებზე. რამდენიმე საათში დაიღუპა და დაიჭრა ათასობით ადამიანი. დაიღუპნენ რუსი მშვიდობისმყოფელები, რომლებიც გაეროს მანდატით თანახმად, მშვიდობის უზრუნველსაყოფად იყვნენ მიწვეული. მათი მკვლელობა იყო საერთაშორისო სამართლის ყველაზე უხეში დარღვევა, უმძიმესი დანაშაული, რომელსაც რუსეთმა მკაცრი, მაგრამ ადეკვატური პასუხი გასცა", – წერს მედვედევი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან