საწვავის ბაზრის მოკვლევის შედეგები მიმდინარე კვირაში გახდება ცნობილი

2015-07-13 15:29:19, 671 ნახვა

ეკონომიკა

კონკურენციის სააგენტო საწვავის ბაზრის კვლევის შესახებ დასკვნას მიმდინარე კვირაში გაასაჯაროებს.

როგორც „ექსპრესნიუსს“ მთავრობის ადმინისტრაციაში განუცხადეს, მოკვლევა დასრულებულია და მის შედეგებთან დაკავშირებით შესაბამისი ბრძანება რამდენიმე დღეში გამოიცემა.

მანამდე კი არ კონკრეტდება, გამოიკვეთა თუ არა ნავთობიმპორტიორი კომპანიების მხრიდან რაიმე ტიპის დაღვევა.

ცნობისთვის, პრემიერ-მინისტრმა ირაკლი ღარიბაშვილმა საწვავის ფასებთან დაკავშირებით კონკურენციის სააგენტოს ჯერ კიდევ შარშან დეკემბერში მიმართა. პრემიერი აცხადებდა, რომ საქართველოზე საწვავის მსოფლიო ფასების კლება არ აისახება. კონკურენციის სააგენტომ პრემიერ-მინისტრს საწვავის ფასებთან დაკავშირებით შუალედური ანგარიში იანვარში წარუდგინა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან