პროკურორი: არ ვეთანხმებით, რომ პირადი თავდებობა ბრალდებულების ქცევაზე კონტროლს უზრუნველყოფს

2015-06-19 14:41:40, 718 ნახვა

სამართალი

ე.წ. კაბელების საქმის პროკურორი ლევან ბაჩიაშვილი არ ეთანხმება მოსამართლის პოზიციას, რომ პირადი თავდებობა ბრალდებულების ქცევაზე კონტროლს უზრუნველყოფს.
როგორც ბაჩიაშვილმა ე.წ. კაბელების საქმეზე წინა სასამართლოს სხდომის დასრულების შემდეგ ჟურნალისტებს განუცხადა, თითოეული ბრალდებულის შემთხევაში 10 ათას ლარიანი გირაო რისკების გარანტიას უზრუნვეყოფდა.
„სასამართლოს ბრალდების მხარის შუამდგომალობა გაითვალისწინა იმ კუთხით, რომ დღესაც არსებობს ის რისკი და საფუძველი, რომ ბრალდებულებმა შესაძლოა ჩაიდინონ დანაშაული. მოწმეებზე მოახდინინ ზეწოლა ან არ გამოცხადნენ სასამართლოში. თუმცა ჩათვალა რატომღაც რომ პირადი თავდებობა უზრუნვეყოფდა, ბრალდებულების პირად ქცევაზე კონტროლს, რასაც ბრალდების მხარე არ ეთანხმება. ვინაიდან მიგვაჩნია, რომ 10 ათას ლარის სახით გირაო აღნიშნულ რისკებს უზრუნვეყოფდა“,-განაცხად ბაჩიაშვილმა.
რაც შეეხება გაასაჩივრებს თუ არა პროკურატურა სასამართლოს დღევანდელ გადაწყვეტილებას ბაჩიაშვილის თქმით, ამ გადაწყვეტილებას მოსამართლის განჩინების ჩაბარების შემდეგ მიიღებენ.
ცნობისთვის, ე.წ. კაბელების საქმის განხილვა 26 ივნისს 11:00 საათზე განახლდება.