მთავრობა სამთო ტურიზმის განვითარებაზე მუშაობს, - ამის შესახებ ეკონომიკისა და მდგრადი განვითარების მინისტრმა გიორგი კვირიკაშვილმა ჟურნალისტებს მთავრობის სხდომის დასრულების შემდეგ განუცხადა.

„ჩვენ ვგეგმავთ, სამთო ტურიზმის განვითარების კუთხით სპეციალური პროგრამა გავაკეთოთ, რათა ახალგაზრდობამ, მოსწავლეებმა სკოლის ასაკიდანვე შეიცნონ საქართველო, მასიური ლაშქრობების განვითარება მოხდეს.

ეს იქნება ძალიან კარგი სამთო ტურიზმის განვითარებისთვის. ჩვენ არაერთ ადამიანთან ერთად ვმუშაობთ, რომლებიც ამ სფეროში არიან ჩართულები და გამოხატავენ ინიციატივას. ტურიზმის ადმინისტრაციასთან, სპორტისა და კულტურის სამინისტროებთან ერთად ძალიან აქტიურად ვმუშაობთ“, - განაცხადა კვირიკაშვილმა.

გარდა ამისა, მინისტრის განცხადებით, ეკონომიკის სამინისტროს ქვეყანაში ტურიზმის განვითარების ხელშეწყობის მიზნით, ზაფხულისა და ზამთრის სეზონისთვის სპეციალური პროგრამები აქვს.

მისივე თქმით, ზაფხულისთვის საქართველოს მასშტაბით ყოველდღიურად ღონისძიებების გამართვა იგეგმება.

„რაც შეეხება ზამთრის სეზონს, წელს დაგეგმილი გვაქვს ძალიან ბევრი პროგრამა, ინვესტიციები ინფრასტრუქტურის მიმართულებით სამთო-სათხილამურო კურორტებზე, რაც თავის მხრივ ხელს შეუწყობს ზამთრის სეზონზე კიდევ უფრო დადებითი ტენდენციის შექმნას“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მსჯავრში მყოფი, აქციაში მონაწილე რუსეთის მოქალაქეები კარტის თამაშის გამო 5000-5000 ლარით დააჯარიმეს

რეჟიმმა ჯარის მოწამვლის საქმეში ბრალდებული „ბატონოსა“ და „კულას“ მფლობელი გაათავისუფლა

ივანიშვილის საგარეო მინისტრი - ბრიუსელის გადაწყვეტილებით, საქართველოსთან დიალოგი შეჩერდა

ფოტოგრაფი ალექსანდრ შიშკო ბელარუსში საქართველოდან დაბრუნებისას დააკავეს