საქართველოს შეიარაღებული ძალების აღმოსავლეთ სარდლობის ქვედანაყოფებს შორის ლელო ბურთში შეჯიბრი გაიმართა.

თავდაცვის სამინისტროს ინფორმაციით, ტურნირი IV მექანიზირებული ბრიგადის ბაზაზე ჩატარდა და მასში საქართველოს შეიარაღებული ძალების I და V ქვეითი, IV მექანიზირებული, ასევე I საარტილერიო ბრიგადები მონაწილეობდნენ.

ტურნირს საქართველოს შეირაღებული ძალების გენერალური შტაბის უფროსის მოადგილე ბრიგადის გენერალი ვლადიმერ ჩაჩიბაია, სახმელეთო ჯარების აღმოსავლეთ სარდალი პოლკოვნიკი ალექსანდრე კიკნაძე და საქართველოს ტერიტორიული მთლიანობისთვის დაღუპული სამხედრო მოსამსახურეების ოჯახის წევრები დაესწრნენ.

ლელო ბურთის საფინალო შეხვედრა I საარტილერიო და V ქვეით ბრიგადებს შორის გაიმართა. ტურნირის გამარჯვებული და შესაბამისად, საქართველოს ტერიტორიული მთლიანობისთვის დაღუპული გმირების სახელობის გარდამავალი თასის მფლობელი I საარტილერიო ბრიგადა გახდა.

ლელო ბურთში შეჯიბრი საქართველოს შეიარაღებულ ძალებში წელს პირველად ჩატარდა. ტურნირის ორგანიზატორების გადაწყვეტილებით, ტურნირი ყოველი წლის 26 მაისს გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ქართველი სამხედრო გიორგი კუპარაშვილი, უკრაინის შეიარაღებული ძალების მესამე არმიის კორპუსის პოლკის მეთაურად დაინიშნა

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო