ეკონომიკისა და მდგრადი განვითარების სამინისტრო და მის დაქვემდებარებაში შემავალი სსიპ–ები და შპს–ები, საქართველოს დამოუკიდებლობის დღესთან დაკავშირებით,  რუსთაველის გამზრიზე რამდენიმე სტენდით არის წარმოდგენილი. 
ეკონომიკის სამინისტროს ინფორმაციით, სტენდები  რუსთაველის # 1-ის მიმდებარე ტერიტორიაზეა განთავსებული და წარმოადგენენ საინფორმაციო და გასართობ კუთხეებს - მთისა და ბარის სპეციფიკით.
 დამოუკიდებლობის დღისადმი მიძღვნილ ღონისძიებაზე გამოფენილია როგორც ტექნიკა, ასევე რობოტები და ქართული თამაშები.  მიმდებარე ტერიტორიას მუსიკალურად გააფორმებს საზღვაო აკადემიის ორკესტრი;
საკუთარი პროექტების პრეზენტაციებს მართავენ  სამინისტროს  სსიპ-ები და სახელმწიფო შპს-ები: მთის კურორტების განვითარების კომპანია, რომელიც მოაწყობს სპეცტექნიკის და ხელოვნური თოვლის პრეზენტაციას.
„ მსოფლიოში ქალაქის ტერიტორიაზე ამის პრეზენტაცია პირველად მოხდება. ამის სურვილი მთის კურორტების განვითარების კომპანიის პარტნიორმა, ხელოვნური თოვლის მწარმოებელმა, მსოფლიოში საუკეთესო იტალიურმა კომპანიამ გამოთქვა. აპარატურა, რომელიც რუსთაველის გამზირზეა წარმოდგენილი, წელს შეიქმნა და მისი ტესტირება და პრეზენტაცია პირველად სწორედ თბილისში მოხდება. შედეგად, თბილისში იქნება საგუნდაო და საციგურაო არეალი, რაც დამოუკიდებლობის დღეს დამატებითი ხალისს შესძენს“, – აცხადებენ უწყებაში. 
ასევე, მეწარმეობის განვითარების სააგენტოს სტენდზე გამოფენილია  სამთავრობო პროგრამის „აწარმოე საქართველოში“ ჩართული კომპანიების მიერ დამზადებული პროდუქცია.

საკუთარი პროექტების პრეზენტაციას ინოვაციებისა და ტექნოლოგიების სააგენტოც მართავს. როგორც სამინისტროში აცხადებენ, აღნიშნული სსიპ წარმოადგენს საქართველოში პირველი ტექნოლოგიური პარკის სიმბოლიზაციას. სააგენტოს სივრცე პირობითად ხუთ სივრცედ არის დაყოფილი: FAB LAB-ის სიმულაცია. განთავსებულია  დაზგა დანადგარები (3D პრინტერები, სკანერი და ლაზერული მჭრელი); FAB LAB-ის  მიერ დამზადებული ნივთების შოურუმი; მიკროელექტრონიკის კუთხე, სადაც მოხდება სხვადასხვა ტიპის მოწყობილობების  დემონსტრაცია და მათზე მუშაობის ადგილზე სწავლება;  სუვენირების დამზადება ლაზერული მჭრელით. ასევე იმუშავებს საინფორმაციო სივრცე, სადაც წარმოდგენილი იქნება ტექნოპარკის ვირტუალური მოდელი ოკულუსზე, რომლის მორგებას და ხილვას ნებისმიერი მსურველი შეძლებს. განთავსებულია სტენდი, სადაც გამოქვეყნებულია ინფორმაცია სააგენტოს მიერ დაგეგმილი ღონისძიებების, ტრენინგებისა და კონკურსების შესახებ. ასევე იმუშავებს უფასო WIFI გამვლელებისთვის, განთავსებულია ინტერნეტიზაციის შესახებ გრაფიკული ვიდეო მონიტორზე და გაიმართება ორგანული არქიტექტურის მიმართულებით ინოვაციური ინსტალაციების გამოფენა. 

საქართველოს აეროპორტების გაერთიანების სტენდის დამთვალიერებელი აღმოჩნდება აეროპორტის  ტერმინალის  იმიტირებულ სივრცეში. აეროპორტების გაერთიანება   უამრავ გასართობ პროგრამას სთავაზობს როგორც ბავშვებს, ასევე უფროსებს.
საზღვაო აკადემია წარმოადგენს დიდ იალქნიან ნავს და სხვადასხვა სახის საზღვაო სიმულატორებს. სტენდთან იქნებიან ბენდი და მოცეკვავეები. 
ტურიზმის ეროვნული ადმინისტრაცია საკუთარი სტენდის დამთვალიერებლებს შესთავაზებს ვირტუალურ მოგზაურობას საქართველოს სხვადასხვა რეგიონებში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სადიგოვი - პუტინის მონამ, სამშობლოს მოღალატე ივანიშვილმა ჩემი საქართველოდან გაძევებით ძალიან დიდი დარტყმა მიაყენა საქართველოს

Freedom House - იდენტიფიცირებულია 6 ახალი სახელმწიფო - ავღანეთი, ბენინი, საქართველო, კენია, ტანზანია და ზიმბაბვე, რომლებიც იყენებენ ტრანსნაციონალურ რეპრესიებს

რუსეთის ქალაქ ტაგანროგში, სარაკეტო დარტყმის შემდეგ, დრონების მწარმოებელ ქარხანას ხანძარი გაუჩნდა

უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი