აჭარის მთავრობის თავმჯდომარემ არჩილ ხაბაძემ ქედაში ინფრასტრუქტურული სამუშაოები დაათვალიერა.

აჭარის მთავრობის ადმინისტრაციის პრესსამსახურის ინფორმაციით, არჩილ ხაბაძე ქედაში, სოფელ უჩხითში გზის მოასფალტებით სამუშაოებს დაესწრო.

„უჩხითის 3,7კილომეტრიანი გზის მოასფალტებისთვის ბიუჯეტიდან 920 000 ლარია გამოყოფილი. ქედის მუნიციპალიტეტში უჩხითის, ოქტომბრის და გეგელიძეების მიმართულებით აქტიურად მიმდინარეობს გზების მოასფალტება, სულ 8 კმ-ზე. გარდა ამისა, მუნიციპალიტეტში მოეწყობა ბეტონის საფარი 2 კმ-ზე, სხვადასხვა გზაზე მოეწყობა 14 გაბიონი, 15 ბეტონის საყრდენი კედელი, 3 სწორკუთხა მილი და 1 ხიდი.

უჩხითში გასულ წელს მახუნცეთი-უჩხითის მიმართულებით 3,1 კმ-ზე ასფალტობეტონის საფარი მოეწყო, რისთვისაც დეპარტამენტის ბიუჯეტიდან 706 000 ლარი დაიხარჯა. გზის მოასფალტება მიმდინარე წელსაც გრძელდება. აღნიშნული გზით სოფელ უჩხითში მცხოვრები 82 კომლი სარგებლობს. გარდა უჩხითის სოფლის მაცხოვრებლებისა, აღნიშნული გზით მახუნცეთის თემის 5 სოფელი სარგებლობს“, - აცხადებენ აჭარის მთავრობაში.

მათივე ცნობით, მთავრობის თავმჯდომარემ დაბა ქედაში საჭიდაო დარბაზის სარემონტო სამუშაოებიც მოინახულა.

„დარბაზის რემონტისთვის ადგილობრივი ბიუჯეტიდან 60 000 ლარია გამოყოფილი. პროექტის ფარგლებში შეიცვლება იატაკი, დაშენდება მეორე სართული, სადაც მოეწყობა ადმინისტრაციული ოფისი, ასევე შეიცვლება ფანჯრები, გაიმართება ელექტროობა და სტანდარტების დაცვით მოეწყობა დარბაზი.

ქედის სასპორტო სკოლაში ჭიდაობის 2 სახეობაში 3 სექცია ფუნქციონირებს: თავისუფალ და ქართულ ჭიდაობაში. ამ ეტაპისთვის სკოლაში 40-მდე მოჭიდავე ირიცხება, რომელთაც არაერთ მნიშვნელოვან წარმატებას მიაღწიეს“, - აცხადებენ აჭარის მთავრობაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო