ეკონომიკისა და მდგრადი განვითარების მინისტრის გიორგი კვირიკაშვილის განცხადებით, ბათუმის ტექნოლოგიური უნივერსიტეტის პროექტი ამერიკულმა მხარემ დაიწუნა, რისი დამადასტურებელი დოკუმენტებიც არსებობს.
აქედან გამომდინარე, კვირიკაშვილის განმარტებით, ბათუმის  ტექნოლოგიური უნივერსიტეტის შენობა  საპრივატიზაციო ქონების ნუსხაში მოექცა და აუქციონზე გადის.
"უადგილოა ეს მართლაც და სპეკულაციები. ამერიკული მხარისგან იქნა დაწუნებული ეს პროექტი იმ უნივერსიტეტისთვის, რომელზეც იყო საუბარი. ამაზე განცხადება გააკეთა განათლების მინისტრმა და არსებობს შესაბამისი დოკუმენტიც. ეს ქონება ჩვეულებრივად მოექცა საპრივატიზაციო ქონების ნუსხაში. გადის აუქციონზე. თუ  შენობა უფრო მეტი ღირს, რა თქმა უნდა, ის ინვესტორები უფრო მაღალ შენატანს გააკეთებენ",-აღნიშნა გიორგი კვირიკაშვილმა.
ცნობისთვის, თბილისის მერმა დავით ნარმანიამ ტექნოლოგიური უნივრესიტეტის მშენებლობასთან დაკავშირებით, ფონდ „ქართუს“ წარმომადგენლებთან კონსულტაციები უკვე გამართა. ნარმანიას  თქმით, უნივერსიტეტის ასაშენებლად რამდენიმე ტერიტორიას განიხილავენ.
„ამ საკითხთან დაკავშირებით, კონსულტაცია უკვე გვქონდა ფონდ „ქართუს“ წარმომადგენლებთან. არის რამდენიმე ტერიტორია, რომელიც შეიძლება მათ შევთავაზოთ. გააჩნია პროექტი რა მოცულობის იქნება და შესაბამისად, რა ტერიტორია დასჭირდება. კონსულტაციებს აუცილებლად გავაგრძელებთ, როდესაც პროექტი წარმოდგენილი იქნება“, - განაცხადა დავით ნარმანიამ.
ბათუმში მიხეილ სააკაშვილის ხელისუფლებისას  აშენებულ ტექნოლოგიური უნივერსიტეტის შენობას ხელისუფლება აუქციონზე 25 მლნ დოლადარ ყიდის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NASA-ს ასტრონავტები დედამიწაზე 50 წელზე მეტი ხნის შემდეგ მთვარის ზედაპირზე პირველი დაშვების შემდეგ დაბრუნდნენ

უკრაინის მთავარმა მომლაპარაკებელმა „უზარმაზარი პროგრესის“ შესახებ განაცხადა და პუტინთან შეთანხმების მიღწევის შესაძლებლობა არ გამორიცხა

რესპუბლიკელებმა დაბლოკეს ირანთან ომთან დაკავშირებით ტრამპის უფლებამოსილების შეზღუდვის მცდელობა

რუსეთის ხელისუფლებამ სტენფორდის უნივერსიტეტი „არასასურველ ორგანიზაციად“ გამოაცხადა