თურქეთის პროკურატურა ოპოზიციური გაზეთის Cumhuriyet-ის ჟურნალისტებისთვის 7-დან 43 წლამდე პატიმრობას მოითხოვს, - ამის შესახებ Middleeasteye.net იუწყება.

მედია საშუალების ინფორმაციით, სტამბოლის პროკურატურამ გაზეთის 19 თანამშრომელს "ქურთისტანის მუშათა პარტიასთან" და ფეთჰულა გიულენთან კავშირს ედავება.

პროკურატურის ცნობით, გაზეთის ყოფილი მთავარი რედაქტორის ჯან დიუნდარის დანიშნვის შემდეგ, გამოცემა ტერორისტული ორგანიზაციების დამცველი გახდა.

უწყება ჯან დიუნდარს და კიდევ 4 ჟურნალისტს 7-დან 15 წლამდე პატიმრობას ითხოვს. გარდა ამისა, 3 ჟურნალისტს ტერორიზმის მხარდაჭერაში ედებათ ბრალი და 11-დან 43 წლამდე პატიმრობა ემუქრებათ. გაზეთის 5 ჟურნალისტს კი 9-დან 29 წლამდე თავისუფლების აღკვეთა ემუქრებათ.

ცნობისთვის, თურქული ოპოზიციური გაზეთის "Cumhuriyet"-ის 9 თანამშრომელი 2016 წლის 5 ნოემბერს დააკავეს. დაკავებულთა შორის გაზეთის მთავარი რედაქტორი მურატ საბუნჯუ და წამყვანი ჟურნალისტები იყვნენ. თურქული მედიის ცნობით, გამოცემის სულ 13 თანამშრომელია დაკავებული.

მედიის ცნობით, გადატრიალების მცდელობის შემდეგ ქვეყნის მასთაბით სულ 141 ჟურნალისტი დააპატიმრეს.

შეგახსენებთ, რომ გასული წლის ზაფხულში თურქეთში სამხედრო გადატრიალების მცდელობა მოხდა, რის შედეგადაც 200-ზე მეტი ადამიანი დაიღუპა, ასობით კი დაშავდა. ამასთან, ათასობით ადამიანი გადატრიალების მცდელობასთან კავშირის გამო სამსახურიდან გაათავისუფლეს. თუქეთის მთავრობა გადატრიალების მცდელობის ორგანიზატორად მუსლიმ მქადაგებელს, ფეთჰულა გიულენს ასახელებს. გიულენი აღნიშნულ ბრალდებებს უარყოფს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბულგარეთის ყოფილი პრეზიდენტი რუმენ რადევი საპარლამენტო არჩევნებში ლიდერობს

ჰორმუზის სრუტეში აშშ-მ ირანის კუთვნილი ტანკერი დააკავა, ირანმა სამხედრო გემებზე დრონებით თავდასხმა განახორციელა

უკრაინამ ერთ კვირაში მეორედ დაარტყა რუსეთის ერთადერთ ნავთობგადამამუშავებელ ქარხანას შავ ზღვაზე, ერთი ადამიანი დაიღუპა.

ღმერთია და ექიმი არ სჭირდებაო - ნარიმან მაქარაშვილთან, მისი თაყვანისმცემლები ექიმს არ უშვებდნენ -ვიდეო