აშშ-ის მოქმედმა პრეზიდენტმა ბარაქ ობამამ აშშ-ის 2017 ფინანსური წლის სამხედრო ბიუჯეტის შესახებ კანონს ხელი მოაწერა, - ამის შესახებ ინფორმაციას "რია-ნოვოსტი" თეთრ სახლზე დაყრდნობით ავრცელებს.

როგორც აშშ-ის პრეზიდენტის ადმინისტრაციის განცხადებაშია აღნიშნული, მოცემული დოკუმენტი პირველ რიგში ითვალისწინებს, ხარჯებს აშშ-ის თავდაცვის სამინისტროს პროგრამებზე და სამხედრო მშენებლობასთან დაკავშირებულ პროექტებზე, ასევე ეროვნულ უსაფრთხოებასთან დაკავშირებულ პროექტებზე“. 

ამასთან, კანონის თანახმად, აშშ-სა და რუსეთის სამხედრო თანამშრომლობა შეზღუდულია.

"ამერიკის და რუსეთის ორმხრივ თანამშრომლობაზე, აშშ-ის სამხედრო ბიუჯეტიდან არანაირი თანხმები არ დაიხარჯება, იქამდე სანამ რუსეთი არ შეწყვეტს უკრაინის და ნატოს წევრი ქვეყნების ტერიტორიების ოკუპაციას", - ნათქვამია განცხადებაში. 

აღსანიშნავია, რომ აშშ-ის 2017 ფინანსური წლის სამხედრო ბიუჯეტში გაწერილია, რომ „საქართველო აშშ-ის მეგობარია და არაერთხელ დაუმტკიცებია თავისი ერთგულება, მათ შორის საქართველოს შეიარაღებული ძალების განლაგებაში ავღანეთში საერთაშორისო უსაფრთხოების უზრუნველყოფის ძალების ფარგლებში“.

თეტრი სახლის მიერ გამოქვეყნებულ დოკუმენტში ხაზგასმულია, რომ „აშშ კიდევ ერთხელ ადასტურებს საქართველოს სუვერენიტეტისა და ტერიტორიული მთლიანობის მხარდაჭერას საერთაშორისოდ აღიარებული საზღვრების ფარგლებში და რუსეთის მიერ ოკუპირებული აფხაზეთისა და "სამხრეთ ოსეთის" დამოუკიდებლობას არ აღიარებს“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო