რუსეთის ფედერაციის პრეზიდენტ ვლადიმერ პუტინის განცხადებით, რუსეთ-საქართველოს კონფლიქტში რუსეთი დამნაშავე არ არის, თუმცა ის ურთიერთობის ნორმალიზაციაზე ფიქრობს, - ამის შესახებ ვლადიმერ პუტინმა ყოველწლიური შემაჯამებელ პრესკონფერენციაზე განაცხადა. 

როგორც პუტინმა აღნიშნა, ის საქართველოს მოქალაქეებისთვის უვიზო რეჟიმის დაწესებას არ გამორიცხავს.

"რუსეთ-საქართველოს კონფლიქტი, უმიზეზოდ არ დაწყებულა. კონფლიქტის შემდეგ მინდა აღვნიშნო, რომ ჩვენ კონფლიქტი არ დაგვიწყია, ჩვენ არ დაგვიწყია საომარი მოქმედებები სამხრეთ ოსეთში, თუმცა საბოლოო ჯამში ურთიერთობების დარეგულირება უნდა მოხდეს. მე არ გამოვრიცხავ უვიზო რეჟიმის დაწესებას საქართველოს მოსახლეობისთვის. მგონია, რომ ამისთვის ყველა წინაპირობა არსებობს. ჩვენ ვხედავთ სხვადასხვა სიგნალებს, სხვადასხვა ცალკეული სტრუქტურებიდან. ძალიან მნიშვნელოვანია ურთიერთობის დარეგულირება სპეცსამსახურებთან და სხვა ცალკეულ ორგანოებთან, ტერორიზმთან ბრძოლის თვალსაზრისით", - განაცხადა პუტინმა. 

რუსეთის პრეზიდენტმა საქართველოსთვის ევროკავშირის მიერ უვიზო რეჟიმის დაწესებაც შეაფასა და აღნიშნა, რომ საქართველოსთვის ისევე როგორც უკრაინისთვის უვიზო მიმოშვლა ხელმისაწვდომი უნდა იყოს.

"უვიზო მიმოსვლა უნდა დაწესდეს და ეს, საქართველოს მოქალაქეებისთვის ხელმისაწვდომი უნდა იყოს, ისევე როგორც უკრაინის მოქალაქეებისთვის. თუმცა, ამით ჩვენ უსაფრთხოებას საფრთხე არ უნდა შეექმნას", - დასძინა პუტინმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო