რუსეთის საგამოძიებო ჯგუფი ელჩის მკვლელობასთან დაკავშირებით ანკარაში ჩავიდა, - ამის შესახებ "რია-ნოვოსტი" რუსეთის საგარეო საქმეთა მინისტრ სერგეი ლავროვზე დაყრდნობით იუწყება. 

ლავროვის თქმით, საგამოძიებო ჯგუფის ანკარაში გაგზავნის თაობაზე გადაწყვეტილება რუსეთისა და თურქეთის პრეზიდენტების საუბრის შემდეგ მიიღეს. 

BBC-ის ცნობით, საგამოძიებო ჯგუფი 18 ადამიანისგან შედგება. 

როგორც ლავროვმა აღნიშნა, რუსეთის მხარე ელჩის გადმოსვენების პროცედურაზე უკვე მუშაობს. 

ამასთან, რუსეთმა ელჩის მკვლელობას ტერაქტის კვალიფიკაცია მიანიჭა. 

გარდა ამისა, თურქეთის საგარეო საქმეთა მინისტრ მევლუტ ჩავუშოღლუს თქმით, ერთობლივი ძალებით დადგინდება ელჩის მკვლელობის ორგანიზატორების ვინაობა და ყველა მკაცრად დაისჯება.  

შეგახსენებთ, რომ 19 დეკემბერს ანკარაში ფოტოგამოფენის გახსნისას ყოფილმა პოლიციელმა, 22 წლის ახალგაზრდამ მევლუთ მერტ ალტინტასმა რუსეთის ელჩი ანდრეი კარლოვი რამდენიმე გასროლით მოკლა. ვიდეოჩანაწერში ისმის, როგორ ყვიროდა თავდამსხმელი "ალაჰუ აკბარ! არ დაგავიწყდეთ ალეპო! არ დაგავიწყდეთ სირია!"

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო