ანკარაში, ქუჩას, რომელზეც რუსეთის საელჩო მდებარეობს, გარდაცვლილი დიპლომატის, ანდრეი კარლოვის სახელი დაერქმევა, - ამის შესახებ თურქეთის საგარეო საქმეთა მინისტრმა მევლუთ ჩავუშოღლუმ განაცხადა.

მინისტრის ინფორმაციით, აღნიშნული გადაწყვეტილება პრემიერ-მინისტრთან საუბრის შემდეგ მიიღეს.

"გადავწყვიტეთ, ანდრეი კარლოვის ხსოვნის საპატივსაცემოდ, ქუჩას, რომელზეც რუსეთის საელჩო მდებარეობს, მისი სახელი დაერქვას", - აღნიშნა მან.

როგორც ჩავუშოღლუმ აღნიშნა, რუსეთი და თურქეთი არავის მისცემს უფლებას, რომ ორი ქვეყნის დიპლომატიური ურთიერთობები დაზიანდეს და ელჩის მკვლელობაში ყველა ბრალდებული შესაბამისად იქნება დასჯილი.

მედიის ცნობით, რუსეთის სალჩოსთან ბევრი ადამიანი იკრიბება და დიპლომატის გარდაცვალებასთან დაკავშირებით მწუხარებას გამოთქვამს. ქუჩაზე სამართალდამცველები არიან მობილიზებული და მოძრაობა მთლიანად შეფერხებულია.

შეგახსენებთ, რომ 19 დეკემბერს ანკარაში ფოტოგამოფენის გახსნისას ყოფილმა პოლიციელმა, 22 წლის ახალგაზრდამ მევლუთ მერტ ალტინტასმა რუსეთის ელჩი ანდრეი კარლოვი რამდენიმე გასროლით მოკლა. ვიდეოჩანაწერში ისმის, როგორ ყვიროდა თავდამსხმელი "ალაჰუ აკბარ! არ დაგავიწყდეთ ალეპო! არ დაგავიწყდეთ სირია!"  

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო