იურიდიულ საკითხთა კომიტეტის თავმჯდომარის ეკა ბესელიას განცხადებით, ადმინისტრაციული რესურსის შემცირება ავტომატურად ადამიანების სამსახურიდან დათხოვნას არ ნიშნავს.

როგორც ბესელიამ განმარტა, საუბარია იმაზე, რომ ყველა უწყება თვითონ მიიღებს გადაწყვეტილებას, თუ როგორ დაზოგოს ადმინისტრაციული ხარჯები.

"ეს აუცილებელია, რომ შეიზღუდოს ყველაფერი ის, რისი შეზღუდვაც შეუძლიათ საჯარო მოხელეებს. თუ ამ პროცესში იქნება საუბარი კადრების ოპტიმიზაციაზე, ეს კარგად, გააზრებულად, გეგმის მიხედვით უნდა განხორციელდეს. აქცენტი არ კეთდება ადამიანების გათავისუფლებაზე. ჩვენ გვინდა კიდევ უფრო მეტი ადამიანი დასაქმდეს, მაგრამ საჯარო სამსახურში საჭირო იქნება რესურსების სწორედ განაწილება. ეს რესურსი შეეხება ყველაფერს", - აღნიშნა ბესელიამ.

ცნობისთის, საქართველოს პრემიერ-მინისტრმა გიორგი კვირიკაშვილმა, გუშინ, მთავრობის სხდომაზე, განაცხადა, რომ ოპტიმიზაცია შეიძლება მტკივნეული გადაწყვეტილებების, კადრების გათავისუფლების გარეშეც მოხდეს. როგორც პრემიერმა აღნიშნა, ადმინისტრაციული ხარჯების შემცირების  ბევრი რესურსი გააჩნიათ, თუმცა, ზოგიერთ შემთხვევაში, შტატების ოპტიმიზაცია მოუწევთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ასობით Patriot-ის რაკეტა და დრონი“. უკრაინა და გერმანია 4 მილიარდი ევროს ოდენობის პაკეტზე შეთანხმდნენ

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი