ევროპარლამენტის თავმჯდომარის მარტინ შულცის განცხადებით, "რესპუბლიკელი" დონალდ ტრამპის გამარჯვება ევროპასა და ამერიკას შორის ურთიერთობებს გაართულებს, - ამის შესახებ შულცმა ტელეკომპანია WDR-ის ეთერში განაცხადა.

როგორც შულცმა აღნიშნა, აშშ-ი პოლიტიკური სისტემა საკმაოდ ძლიერია, იმისთვის, რომ ტრამპს გაუძლოს.

"აშშ-ი პოლიტიკური სისტემა საკმაოდ ძლიერია, იმისთვის, რომ ტრამპს გაუძლოს და ის შეაკავოს. თუმცა, ცხადია, რომ ტრანსატლანტიკური ურთიერთობები გართულდება", - განაცხადა შულცმა.

ამასთან, მანვე დასძინა, რომ ტრამპის პოლიტიკა არა ფაქტობრივ გადაწყვეტილებებზე არამედ რიტორიკაზე და ემოციებზეა აგებული.

"მე გაკვირვებული ვარ. ისევე, როგორც ბევრი სხვა, ჰილარი კლინტონის გამარჯვებას ველოდებოდი", - განაცხადა შულცმა.

მისივე თქმით, დრესდრეობით პოლიტიკა საყოველთაო პროტესტს ებრძვის, რამაც აშშ-ის არჩევნებზეც გავლენა იქონია.

ევროპარლამენტის თავმჯდომარის განმარტებით, ტრამპა გამარჯვება მხოლოდ იმის გამო მოიპვა, რომ "სოფლებში ხალხს მიმართავდა და ძველ დროში დაბრუნებას პირდებოდა".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანაპას მახლობლად, შავ ზღვაში ნავთობის დაღვრას „ჩრდილოვან“ ტანკერზე დრონის თავდასხმას უკავშირებენ

ირანმა კომერციული გემებისთვის ჰორმუზის სრუტის გახსნის შესახებ განაცხადა

კობახიძემ თქვა, რომ 2028 წლის არჩევნებს მოიგებს, მას შემდეგ რაც პარტიებს აკრძალავს

კობახიძე კვლავ იყენებს საპატრიარქოს სახელს ოპონენტებზე თავდასასხმელად