„ადამიანის უფლებათა ცენტრი“: ტყვიავში „ოცნებისა“ და ოქრუაშვილის აქტივისტები ერთმანეთს დაუპირისპირდნენ

2016-10-08 16:58:12, 849 ნახვა

პოლიტიკა რეგიონი

ტყვიავში „ქართული ოცნებისა“ და ირაკლი ოქრუაშვილის აქტივისტები ერთმანეთს დაუპირისპირდნენ, - ინფორამციას „ადამიანის უფლებათა ცენტრი“ ავრცელებს.

ორგანიზაციის დამკვირვებლის ცნობით, გორის 42-ე ოლქის 92-ე საარჩევნო უბანი სოფელ ტყვიავში 13 წუთის დაგვიანებით გაიხსნა.

„კომისიის თავმჯდომარე თავიდან აგრესიულობით გამოირჩეოდა - დამკვირვებლებს უშლიდა რეგისტრატორებთან მიახლოებას და კომისიის სხვა წევრებს უყვიროდა. ადამიანის უფლებათა ცენტრის დამკვირვებელის მოწოდების შემდეგ, კომისიის თავმჯდომარე დამშვიდდა.

ამავე უბნის მიმდებარე ტერიტორიაზე „ქართული ოცნებისა“ და ირაკლი ოქრუაშვილის პარტიის აქტივისტები სიტყვიერად შელაპარაკდნენ და ერთმანეთი უშვერი სიტყვებით გალანძღეს. საქმე ფიზიკურ დაპირისპირებამდე არ მისულა“, - ნათქვამია ორგანიზაციის ინფორმაციაში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან