იემენში სამოქალაქო ომის შედეგად დაღუპულთა რიცხვმა 10 ათასს მიაღწია, - ამის შესახებ BBC გაერო-ს სპეციალურ კოორდინატორზე იემენის საკითხებში ჯეიმს მაკგოლდრიკზე დაყრდნობით იუწყება. 

გაერო-ს წარმომადგენლის თქმით, აღნიშნული ციფრი სამედიცინო დაწესებულებების მიერ მიწოდებელ ოფიციალურ ინფორმაციას ეფუძნება. 

ცნობისთვის, იემენში შეიარაღებული კონფლიქტი უკვე 18 თვე გრძელდება.

როგორც მაკგოლდრიკმა განაცხადა, იემენში დაღუპულთა რაოდენობა შესაძლოა, გაცილებით მეტი იყოს, რადგან ქვეყნის ზოგიერთ რაიონში სამედიცინო დაწესებულებები არ არის და დაღუპულების რეგისტრაცია არ ხდება.

გაერო კონფლიქტის მხარეებს მოუწოდებს, გააკეთონ ყველაფერი იემენში სამოქალაქო მოსახლეობისა და ინფრასტრუქტურის დასაცავად.

ცნობისთვის, იემენში  მთავრობის მხარდასაჭერად შექმნილი სამხედრო კოალიცია 2014 წლიდან იბრძვის მეამბოხე შიიტი ჰუსიტების წინააღმდეგ. იემენის ხელისუფლება და საუდის არაბეთი ჰუსიტების მფარველობაში ირანს ადანაშაულებენ.

ზავის გამოცხადების უამრავი მცდელობის მიუხედვად, შეტაკებები იემენში დღემდე არ წყდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ჩვენ მისგან შორს უნდა დავიჭიროთ თავი“ - ევროპულმა ულტრამემარჯვენეებმა ტრამპს ზურგი აქციეს

იმოგზაურე გიორგი მოსიძესთან ერთად აზროვნების სამყაროში - ფოთში, გიორგი მოსიძესთან შეხვედრა გაიმართება

კობახიძე - ამჟამინდელ ევროკავშირს სერიოზული გამოწვევები აქვს

კობახიძე - საქართველოს, ევროპის მასშტაბით, ეკონომიკური ზრდის ყველაზე მაღალი ტემპი აქვს