იუსტიციის სამინისტრო აშშ–ში დაღუპული სამხედროების ოჯახებს უსამძიმრებს

2015-03-09 16:45:25, 621 ნახვა

საზოგადოება

იუსტიციის სამინისტრო საქართველოს იუსტიციის სამინისტრო ღრმა მწუხარებას გამოთქვამს ქართველი სამხედრო კადეტების − სოსო მაკარიძისა და ბესარიონ გორჯოლაძის, ტრაგიკული დაღუპვის გამო და სამძიმარს უცხადებს გარდაცვლილთა ოჯახებს.
იუსტიციის სამინისტრო ალექსანდრე მაკარიძეს შვილის დაღუპვის გამო სამძიმარს უცხადებს.
როგორც უწყებაში აცხადებენ, ამერიკის შეერთებული შტატების საზღვაო თავდაცვის აკადემიის კურსანტ სოსო მაკარიძის მამა ალექსანდრე მაკარიძე 2009 წლის 5 ოქტომბრიდან დღემდე იუსტიციის სამინისტროს მმართველობის სფეროში მოქმედ სსიპ „საქართველოს ეროვნული არქივის“ თანამშრომელია.
იუსტიციის მინისტრი თეა წულუკიანი და სამინისტროს გუნდი თანადგომას უცხადებს ალექსანდრე მაკარიძეს, რომელიც ექვსი წელია, იუსტიციის სისტემაში ერთგულად მსახურობს.

ამერიკის შეერთებულ შტატებში ავტოავარიაში ორი ქართველი სამხედრო მოსამსახურე დაიღუპა, რომლებიც ვესტპოინტის სამხედრო აკადემიაში სასწავლო კურსს გადიოდნენ. ტრაგიკული შემთხვევა ნიუ-ჯერსიში დღეს მოხდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან