ქალების მიერ ისეთი ტანსაცმლის ტარება, რომელიც სრულად ფარავს მათ სახეს, შესაძლოა, გერმანულ საზოგადოებაში მათი ინტეგრაციის შემაფერხებელი გახდეს, - ამის შესახებ გერმანიის კანცლერმა ანგელა მერკელმა Redaktionsnetzwerk Deutschland-სთვის მიცემულ ინტერვიუში განაცხადა. 

როგორც კანცლერმა განაცხადა, "ქალს, რომლის სახე მთლიანად დაფარულია, გერმანიაში ინტეგრაციის შანსი ნაკლებად აქვს". 

ამასთან, მერკელის თქმით,  ფარანჯის, ნიქაბისა და ჩადრის სრულ აკრძალვაზე საუბრისას აუცილებელია ყველა პოლიტიკური და სამართლებრივი საკითხის შეფასება. გერმანიის კანცლერი ამ საკითხის გადაწყვეტაში შინაგან საქმეთა მინისტრ ტომას დე მაზიერს სრულ მხარდაჭერას პირდება.

გერმანიის კანცლერმა აღნიშნა, რომ შინაგან საქმეთა სამინისტრი მუსლიმური ტანისამოსის ჩაცმის შეზღუდვის სამართლებრივ შესაძლებლობებს განხილვას აპირებს.

ამავე დროს, გერმანიის შინაგან საქმეთა მინისტრი ტომას დე მაზიერი აცხადებს, რომ შესაძლებლად მიიჩნევს, ფარანჯის, ნიქაბისა და ჩადრის აკრძალვას მხოლოდ ცალკეულ შემთხვევებში, თუმცა, მისი თქმით, ამგვარი ტანსაცმლის სრული აკრძალვა გერმანიის კონსტიტუციას ეწინააღმდეგება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეკონომიკის სამინისტრო - საჰაერო სივრცეში შემზღუდველი ზონის შემოღება ემსახურება სამეცნიერო ობსერვატორიის მიზნებს

ახალგორის რაიონში გადაადგილების საშვების გაცემა განახლდა - DRI

Starbucks-ი ოფიციალურად შემოდის საქართველოს ბაზარზე

სოციალური სამართლიანობის ცენტრი: პატიმრების კვება საქართველოში სერიოზულ კითხვებს ბადებს