ევროპაში ბოლო დროს განხორციელებული თავდასხმების ტალღა ადასტურებს, რომ მსოფლიო ომის მდგომარეობაში იმყოფება, - ამის შესახებ BBC რომის პაპ ფრანცისკე პირველის განცხადებაზე დაყრდნობით იუწყება.

რომის პაპის განცხადებით, საუბარია არა რელიგიებს შორის ომზე, არამედ ინტერესებისა და ფინანსური რესურსების კონფლიქტზე.

“ჩვენ მუდმივად გვეუბნებიან უსაფრთხოებასთან დაკავშირებულ პრობლემებზე, სინამდვილეში კი ის რაც ხდება, შეიძლება დახასიათდეს სიტყვა “ომით”. ჩვენ არ უნდა გვეშინოდეს სიმართლის აღიარების. ჩვენ ომის მდგომარეობაში ვიმყოფებით, რადგან მშვიდობა დავკარგეთ. როდესაც მე ვსაუბრობ ომზე, მე ვგულისმობ ომს ინტერესებისთვის, ფულისთვის, რესურსებისთვის და არა რელიგიისთვის. ყველა რელიგიას მშვიდობა სურს, ომი სხვა ადამიანებს უნდათ”, - განაცხადა რომის პაპმა.

ფრანცისკე პირველი პოლონეთის ქალაქ კრაკოვში უკვე ჩავიდა, სადაც მსოფლიო ახალგაზრდობის დღისადმი მიძღვნილი ღონისძიებების ფარგლებში სიტყვით გამოვა.

შეგახსენებთ, რომ რომის პაპი საქარტველოში 30 სექტემბერს ჩამოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-მ ამერიკული ხელოვნური ინტელექტის კოპირებისთვის ჩინეთისა და რუსეთის წინააღმდეგ სანქციების დაწესების განხილვა დაიწყო

აშშ-მ ირანისა და ირანის მხარდამჭერი გემების დევნა დაიწყო

ოცნება მცირე მეღვინეობებისთვის წესებს შეცვლის და ხარისხის კონტროლს გაამკაცრებს

პაპუაშვილი აბასთუმნის ცის დაკეტვაზე - რადიკალური ოპოზიცია ცდილობს, არ დაუშვან სამეცნიერო პოტენციალის ათვისება