„მოდი ასე ვთქვათ,  ზურაბ უძილაური თანამდებობიდან თავისი ნებით არ  წასულა“,-ამის შესახებ შინაგან საქმეთა მინისტრმა ვახტანგ  გომელაურმა ჟურნალისტებს მთავრობის სხდომის დასრულების შემდეგ განუცხადა.

როგორც მინისტრმა აღნიშნა, მას მიზანშეწონილად არ მიაჩნია, რომ  ზურაბ უძილაური ახმეტის პოლიციის უფროსის თანამდებობაზე ყოფილიყო.

„როგორ ფიქრობთ, ჩემი გადაწყვეტილებით წავიდა თუ თავისი ნებით?!  აქამდე ბევრი განცხადება იყო გაკეთებული. მოდით ასე ვთქვათ, ის ადამიანი თავისი ნებით არ წასულა. ეს ადამიანი კანონის სრული დაცვით მუშაობდა. მინისტრს აქვს უფლება ასეთი ადამიანი დანიშნოს, თუმცა მიზანშეწონილად არ მიმაჩნია ამ ადამიანმა თანამდებობაზე იმუშაოს“,-აღნიშნა გომელაურმა.

ცნობისთვის, ზურაბ უძილაური ახმეტის პოლიციის თანამდებობიდან გათავისუფლდა.
გავრცელებული ინფორმაციით, უძილაური ნარკოტიკული ნივთიერების მოხმარების და ხულიგნობის ბრალდებით არის ნასამართლევი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია