საფრანგეთის სპორტის მინისტრის პატრიკ კანერის განცხადებით, რუსეთ-ინგლისის საფეხბურთო მატჩი, რომელიც დღეს საფრანგეთის ქალაქ მარსელშია დაგეგმილი, Euro 2016-ის ერთ-ერთი ყველაზე სარისკო მატჩია, - ამის შესახებ BBC იუწყება.

მინისტრის განმარტებით, რუსეთ-ინგლისის მატჩზე გულშემატკივართა შორის შეტაკების დიდი საფრთხე არსებობს.

მანვე დასძინა, რომ უსაფრთხოების ყველა შესაბამი ზომა დაცული იქნება.

Reuters-ის ცნობით, საფრანგეთის სამართალდამცველები ქალაქში მარსელში სიტუაციას აკონტროლებენ, თუმცა ინგლისის და რუსეთის გულშემატკივრები მთელი დღის განმავლობაში სხვადასხვა კონფლიქტურ სიტუაციაში ფიქსირდებიან, ერთმანეთს სიტყვიერ და ხანდახან ფიზიკურ შეურაცხყოფასაც აყენებენ.

შეგახსენებთ, რომ ეურო-2016 საფრანგეთსი 10 ივნისს დაიწყო. პირველი მატჩი საფრანგეთსა და რუმინეთს შორის ჩატარდა და საფრანგეთის გამარჯვებით დასრულდა.

ცნობისთვის, ადგილობრივ სამართალდამცველებს ყველაზე მეტ პრობლემას ამ დროისთვის, დიდი ბრიტანეთის გულშემატკივრები უქმნიან. ქალაქ მარსელში, ბრიტანეთის მხარდამჭერებსა და ადგილობრივ მოსახლეობას შორის შეტაკება მოხდა. პოლიციამ ცრემლსადენი გაზი გამოიყენე და რამდენიმე პირი დააკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სახელმწიფო დუმამ პუტინს უფლება მისცა, არმია განალაგოს იმ ქვეყნებში, სადაც რუსებს აპატიმრებენ

Zeekr 8X - ახალ ლუქს კლასის დამუხტვად ჰიბრიდს „ზიკერ ცენტრი თეგეტა“ საქართველოს ბაზარზე ზაფხულში წარადგენს

მეწარმე ქალთა განვითარების პროგრამა ზუგდიდში გაიმართება — პროგრამის მხარდამჭერია საქართველოს ბანკი

ფინანსური განათლების სასერტიფიკატო კურსის ფარგლებში დაესწარი ლევან ფავლენიშვილის ლექციას - პროექტის მხარდამჭერი საქართველოს ბანკია